सजिलो पत्रिका
२०८२ कात्तिक १६, आइतबार १३:५३
काठमाडौँ
राजधानीको थापाथली क्षेत्रस्थित बागमती नदीको पुल नजिक हिजो(नेभेम्बर १) दुर्लभ प्रजातिको चराको बथान देखिएको छ ।
नेपाल पन्छी संरक्षक सुदर्शन कार्कीका अनुसार बागमतीमा हालसालै पानीको मात्रा बढेर सफा देखिएको कारण शनिबार साँझ करिब ४ बजे सो बथान त्यहाँ देखा परेको हो ।
कार्कीका अनुसार ती चराहरू कालो टाउके दंगा चिल (द्यबिअप–जभबमभम न्गििक) हुन्, जुन सामान्यतया काठमाडौं उपत्यकामा पाइँदैनन् ।
‘यी चरा समुद्र र ठूलो पानी भएको क्षेत्रका हुन् । सम्भवतः चीनतिरबाट बसाइँसराई गर्दै न्यानो स्थान खोज्दै आएका हुन्,’ उनले भने ।
हिजो(शनिबार) बागमती किनारमा करिब ४० वटा दंगा चिल देखिए पनि आज बिहानसम्म संख्या घटेर ११ वटा मात्र बाँकी रहेको कार्कीले जानकारी दिए । मौसम अनुकूल भएसँगै ती चिलहरू अन्य स्थानतर्फ उड्ने अपेक्षा गरिएको छ ।
कार्कीले भने, ‘यी चराहरू यहाँ लामो समय बस्दैनन् । काठमाडौं पहिलेको जस्तो सफा छैन, प्रदूषण र फोहरका कारण यिनीहरू रमाउँदैनन् । प्रायः एक–दुई दिनमै उडेर जान्छन् ।’
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । राष्ट्रपति रामचन्द्र पौडेलले विकास निर्माणको केन्द्रमा मानव र प्रकृतिलाई राख्नुपर्नेमा जोड दिएका छन्। नेपाल इन्जिनियर्स एसोसिएसनको ६४औँ वार्षिकोत्सवलाई सम्बोधन गर्दै उनले विकासको अवधारणा जनताको कल्याण र मुलुकको समृद्धिसँग जोडिनुपर्ने बताए।जलवायु परिवर्तनको बढ्दो चुनौतीलाई मध्यनजर गर्दै अबका पूर्वाधारहरू दिगो, पर्यावरणमैत्री र 'हरित विकास' को सिद्धान्तमा आधारित हुनुपर्ने राष्ट्रपतिको भनाइ
Loading brands...
