काठमाडौँ । सरकारले 'जेनजी आन्दोलन' का शहीद परिवार र घाइतेहरूको पुनस्र्थापना, जीवनयापन तथा सामाजिक संरक्षणका लागि एकीकृत कार्ययोजना अघि बढाएको छ। प्रधानमन्त्री बालेन्द्र शाहले स्वीकृत गरेको यस कार्ययोजनाअनुसार अब सरकारी निकायहरूमा करारमा कर्मचारी नियुक्ति गर्दा शहीद परिवारका एक सदस्य वा घाइतेलाई योग्यता र क्षमताका आधारमा पहिलो प्राथमिकता दिइनेछ।कार्ययोजनामा शहीद परिवार
नेकपामा पार्टी एकता विषयमा केन्द्रीय कमिटीमा विस्तृत छलफल
सजिलो पत्रिका
२०८२ कात्तिक १३, बिहिबार १९:३१
12
नेपाल कम्युनिष्ट पार्टी (एकीकृत समाजवादी) को केन्द्रीय कमिटी बैठकमा पार्टी एकता सम्बन्धी विषय प्रमुख एजेन्डाका रूपमा प्रस्तुत भएको छ । वरिष्ठ नेता बामदेव गौतमले बैठकमा बृहत पार्टी एकता गर्ने विषयमा विस्तृत छलफल भइरहेको जनाउँदै यसले संगठनभित्र महत्वपूर्ण बहसको रूप लिएको बताएका छन् । उनका अनुसार बैठकमा सहभागी अधिकांश सदस्यहरूले वर्तमान राजनीतिक परिस्थितिलाई मध्यनजर गर्दै पार्टी एकताको आवश्यकता र यसको समयसापेक्षता बारे गम्भीर विचार-विमर्श गरिरहेका छन् ।
नेता गौतमले बैठकमा विभिन्न धारणा प्रस्तुत भएको स्पष्ट पारेका छन् । उनका अनुसार केही नेताहरूले अहिलेको अवस्थामा पार्टी एकता नगरी स्वयम्संगठनलाई सुदृढ गर्दै अगाडि बढ्नु उचित हुने तर्क राखेका छन् । उनीहरूले पार्टीभित्रको आन्तरिक सुदृढीकरण, जनस्तरमा पकड बलियो बनाउने कार्य र नीति स्पष्ट पारेर अघि बढ्नुपर्ने बताएका छन् । यस धारणा अनुसार, पार्टी एकता हतारमा गर्ने हो भने त्यसले संगठनात्मक अस्थिरता ल्याउन सक्छ भन्ने चिन्ता पनि व्यक्त गरिएको छ ।
तर अर्का समूहका नेताहरूले भने अहिलेको परिस्थिति कम्युनिस्ट एकताको लागि अनुकूल रहेको तर्क गरेका छन् । उनीहरूको भनाइमा, विभाजन र विखण्डनले कम्युनिस्ट आन्दोलन कमजोर बनाइरहेको छ र यसले जनताको विश्वासमा नकारात्मक प्रभाव पारिरहेको छ । उनका अनुसार, कम्युनिष्ट शक्तिहरू एउटै शक्तिशाली पार्टीमा एकीकृत भएर अघि बढे मात्र प्रतिक्रियावादी शक्तिहरूको अन्त्य र जनताको समाजवाद निर्माण सम्भव छ । गौतमले पनि यही धारणा समर्थन गर्दै पार्टी एकताले दीर्घकालीन राजनीतिक स्थायित्व र समाजवादी लक्ष्य हासिल गर्न मार्ग प्रशस्त गर्ने बताएका छन् ।
बैठकमा प्रस्तुत यी फरक–फरक मतहरूको सन्तुलन मिलाउने प्रयास जारी रहेको गौतमले बताएका छन् । उनका अनुसार, विषय गम्भीर र निर्णायक भएकाले तत्काल निर्णय नआएको भए पनि विस्तृत छलफलपछि मात्र निष्कर्ष निकाल्ने तयारी गरिएको छ । बैठक भोलीसम्म जारी रहने र त्यसपछि मात्र पार्टी एकता सम्बन्धी औपचारिक निर्णय आउने उनले जानकारी दिएका छन् । उनका भनाइ अनुसार, पार्टी नेतृत्वले सबै मतलाई समेटेर राष्ट्रिय राजनीतिक दिशा र संगठनात्मक हितलाई ध्यानमा राख्दै अन्तिम निर्णय लिनेछ ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
सम्बन्धित समाचार
Data is loading...
Loading brands...
Loading footer...
