सजिलो पत्रिका
२०८२ कात्तिक ०६, बिहिबार १३:५७
राजधानीको सानोभर्याङस्थित एक घरबाट प्रहरीले ठूलो परिमाणमा अवैध नगद र सुनजस्तो देखिने धातु बरामद गरेको छ। स्रोत नखुलेको पैसा र बिलरहित सुन बरामद भएपछि प्रहरीको अनुसन्धान तीव्र पारिएको छ।
प्रहरी वृत्त स्वयम्भूका अनुसार चिनियाँ नागरिक ३८ वर्षीय यिनहोल र धादिङ निलकण्ठा नगरपालिका–स्थित २२ वर्षीया रेजिना सुनार बस्ने कोठाबाट उक्त सामग्री बरामद गरिएको हो। प्रहरीले सुटकेस र सोफामुनी लुकाइराखिएको अवस्थामा ६९ लाख ८५ हजार रुपैयाँ नगद फेला पारेको जनाएको छ।
त्यसैगरी, प्रहरीले सुनजस्तो देखिने पहेंलो धातुका विभिन्न गरगहना (नेकलेस, झुम्का, बाला, औंठी, नथी, शीरबन्दी) समेत बरामद गरेको छ। साथै, चार थान आईफोन, एक म्याकबुक, एक मोबाइल फोन र बा.प्र. ०१–०३१ प ५२६२ नम्बरको बीवाईडी कार समेत बरामद गरिएको प्रहरीले जनाएको छ।
प्रहरीले थप अनुसन्धानका लागि रेजिना सुनारको नागरिकता र यिनहोलको राहदानी समेत नियन्त्रणमा लिएको छ। सोही घरमा बस्दै आएका चारजना अन्य महिलालाई पनि सोधपुछका लागि नियन्त्रणमा लिइएको प्रहरी वृत्त स्वयम्भूका प्रमुखले बताएका छन्। बरामद भएको रकम र सुनजस्तो धातुको स्रोतबारे प्रारम्भिक अनुसन्धान भइरहेको प्रहरीले जनाएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । नक्कली भुटानी शरणार्थी प्रकरणमा पूर्वउपप्रधानमन्त्री टोपबहादुर रायमाझीलाई चार वर्ष कैद सजाय तोकिएको छ । जिल्ला अदालत काठमाडौँले आज चार वर्ष कैद सजाय र ४० हजार रुपैयाँ जरिवाना तोकेको हो ।न्यायाधिश तेजबहादुर खड्काको इजलासले सुनाएको सजाय आदेशअनुसार पूर्वगृहमन्त्री बालकृष्ण खाणलाई दुई वर्ष कैद सजाय र २० हजार रुपैयाँ जरिवाना
Loading brands...
