सजिलो पत्रिका
२०८२ असोज ०६, सोमबार १४:१२
जेनजी आन्दोलनका कारण तोडफोड तथा आगजनीबाट २,४७८ बीमा दाबी दर्ता भई कुल दाबी रकम २२ अर्ब २५ करोड पुगेको छ।
सबैभन्दा धेरै दाबी सम्पत्ति बीमामा (१८६ अर्ब १० करोड) र मोटर बीमामा (२९ अर्ब ५२ करोड) परेका छन्।
प्रदेशगत रूपमा बागमतीमा सबैभन्दा बढी दाबी (१,३४३ दाबी, १७९ अर्ब ७७ करोड) दर्ता भएको छ।
काठमाडौँ ।
जेनजी आन्दोलनमा भएको तोडफोड तथा आगजनीबाट भएको क्षतिका लागि २२ अर्ब २५ करोड ६५ लाख रुपैयाँ बराबरको बीमा दाबी परेको छ ।
नेपाल बीमा प्राधिकरणबाट प्राप्त विवरण अनुसार भाद्र २३ गतेदेखि असोज ५ गतेसम्म विभिन्न बीमा कम्पनीहरूमा जम्मा २ हजार ४७८ दाबी दर्ता भएका छन् । ती बीमा दाबीहरूको रकम २२ अर्ब २५ करोड ६५ लाख रुपैयाँ पुगेको छ ।
प्राधिकरणका अनुसार सबैभन्दा धेरै ओरियण्टल इन्स्योरेन्स कम्पनी लिमिटेडले ७३ ओटा बीमा दाबीका लागि ५२ करोड २९ लाख रुपैयाँ भुक्तानी गर्नुपर्ने देखिएको छ । त्यसपछि सिद्धार्थ प्राइम इन्स्योरेन्सले २७९ ओटा बीमा दाबीका लागि ५० करोड ८३ लाख रुपैयाँ बराबर भुक्तानी गर्नुपर्ने देएिको छ ।
यस्तै, आईजीआई प्रुडेनशियल इन्स्योरेन्समा परेका १७० ओटा दाबीमा २७ करोड ६८ लाख रुपैयाँ, शिखर इन्स्योरेन्समा ३७४ ओटा दाबीमा २३ करोड ९३ लाख रुपैयाँ र सगरमाथा लुजविनी इन्स्योरेन्समा परेका २५७ ओटा दाबी १५ करोड ४५ लाख रुपैयाँ भुक्तानी गर्नुपर्ने देखिएको छ ।
बीमा प्रकारअनुसार हेर्दा सबैभन्दा बढी संपत्ति बीमामा दाबी दर्ता भएको छ । यस अन्तर्गत ५३८ दाबीबाट १८६ अर्ब १० करोड रुपैयाँभन्दा बढी भुक्तानी माग भएको छ । त्यसपछि १ हजार ७७८ मोटर बीमा दाबी २९ अर्ब ५२ करोड रुपैयाँ पुगेको छ । प्रदेशगत आधारमा बागमती प्रदेशमा सबैभन्दा धेरै दाबी परेका छन् । बागमतीमा १ हजार ३४३ दाबीबाट १७९ अर्ब ७७ करोड रुपैयाँ दाबी भएको छ । त्यसपछि कोशी प्रदेशमा ३२२ दाबीबाट १६ अर्ब ५० करोड रुपैयाँ दाबी गरिएको छ ।
प्राधिकरणको तथ्यांकअनुसार बीमा व्यवसायमा पछिल्लो समय उत्पन्न असहज परिस्थितिका कारण दाबी संख्यामा उल्लेख्य वृद्धि भएको छ । समितिले कम्पनीहरूलाई दाबी भुक्तानी प्रक्रियामा ढिलाइ नगरी छिटोछरितो टुंगो लगाउन निर्देशन दिएको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली काँग्रेसका सभापति गगन थापाले प्रदेश सरकार गठनका सन्दर्भमा तीन ठूला दलहरू (कांग्रेस, एमाले र माओवादी) मिल्नुपर्ने प्रस्तावप्रति कडा विमति प्रकट गरेका छन्। आइतबार ललितपुरमा आयोजित एक कार्यक्रममा बोल्दै थापाले तीन दल मिलेर सरकार बनाउँदा प्रदेश संसद् प्रतिपक्षविहीन हुने र यसले लोकतान्त्रिक मूल्य तथा जनमतको अपमान हुने बताए।थापाले
Loading brands...
