सजिलो पत्रिका
२०८२ भदौ २१, शनिबार ११:११
नेपाल कम्युनिष्ट पार्टी (एमाले)को दोस्रो विधान महाधिवेशनको दोस्रो दिनको बन्दसत्र एक घण्टा ढिला सुरु भएको छ। ललितपुरको हरिसिद्धि घुम्तीमा महाधिवेशनमा सहभागी हुन आएका प्रतिनिधिको गाडीले एक बालिकालाई ठक्कर दिएपछि स्थानीयले बाटो अवरुद्ध गरेका कारण कार्यक्रममा ढिलाइ भएको हो।
अध्यक्ष तथा प्रधानमन्त्री खड्गप्रसाद शर्मा ओलीले दुर्घटना भवितव्य भएको र यसलाई लिएर कसैले महाधिवेशन भाँड्ने गरी राजनीति गर्न खोजेको बताए। उनले भने, "सामान्य रूपमा एक बच्चीलाई गाडीले छोयो। अस्पताल लगिसकियो। त्यस्तो कुनै नियत थिएन। पार्टीले बच्चीको सम्पूर्ण उपचार खर्च बेहोर्छ। घटनाप्रति दुःख व्यक्त गर्दछु। कहिले–कहिले यस्ता अप्रिय घटना हुन्छन्। तर भइदियो। त्यही कारण कार्यक्रम समयमै सञ्चालन हुन विलम्ब हुन गयो।"
दुर्घटनापछि स्थानीयले सडक जाम गराएका कारण गोदावरीस्थित सनराइज सभाहल जाने मुख्य सडक अवरुद्ध भएको थियो। हाल गोदावरीमा जारी बन्दसत्रमा प्रस्ताव हुन बाँकी तीन प्रतिवेदन पेश हुने क्रम जारी छ। अहिले निर्वाचन आयोगका संयोजक डा. विजय सुब्बाले प्रतिवेदन पेश गर्दै छन्। प्रतिवेदन पेश भएपछि १० समूहमा छलफल हुनेछ। निर्वाचन आयोग, लेखा आयोग र अनुशासन आयोगको प्रतिवेदन पेश हुँदै छ।
शुक्रबार अध्यक्ष केपी शर्मा ओलीको राजनीतिक प्रतिवेदन, उपाध्यक्ष विष्णुप्रसाद पौडेलको विधान संशोधन प्रस्ताव, महासचिव शंकर पोखरेलको संगठनात्मक प्रतिवेदन र सल्लाहकार परिषद्का संयोजक अमृत बोहोराले प्रतिवेदन पेश गरिसकेका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले देशको आर्थिक विकास र समृद्धिका लागि पुँजी बजारको महत्त्वपूर्ण भूमिका रहेको बताएका छन् ।आज प्रधानमन्त्री तथा मन्त्रिपरिषद्को कार्यालयमा सरोकारवाला र नियमनकारी निकायका व्यक्तिसँग छलफल गर्दै प्रधानमन्त्री शाहले पुँजी बजारमार्फत उद्यमशीलताको विकास र रोजगारी सिर्जना गर्ने कार्य मुख्य प्राथमिकतामा रहेको बताएका हुन् ।प्रधानमन्त्री शाहले व्यवसायीलाई
लोड भइरहेको छ...
Loading brands...
