काठमाडौं । जिल्ला ट्राफिक प्रहरी कार्यालय जनकपुरधाम, धनुषाले गत आर्थिक वर्ष २०८२÷८३ मा रु एक करोड १४ लाख नौ हजार ५०१ राजस्व सङ्कलन गरेको छ । प्रमुख प्रहरी निरीक्षक खगेन्द्रकुमार दाहालले आव २०८२÷८३ मा ट्राफिक नियम उल्लङ्घन गर्नेहरुबाट १२ हजार ६०३ सवारीसाधनमाथि कारबाही गर्दा रु एक करोड १४ लाख नौ हजार
'बहुविवाहलाई प्रोत्साहन दिने कानून सहदैनौं' भन्दै सर्लाहीमा महिला अधिकारकर्मीको धर्ना जारी
सजिलो पत्रिका
२०८२ भदौ ०५, बिहिबार ११:५६
19
- सरकार बहुविवाह प्रोत्साहित गर्ने कानून ल्याउन लागेको भन्दै सर्लाहीमा महिला अधिकारकर्मीहरूले शहीद चोकमा दुई दिनदेखि धर्ना दिइरहेका छन्।
- प्रदर्शनमा सहभागीहरूले ‘बहुविवाह सहदैनौं’ र ‘मेरो शरीर, मेरो अधिकार’ जस्ता नारासहित महिलामाथिको विभेदविरुद्ध आवाज उठाएका छन्।
- एक दर्जनभन्दा बढी महिला अधिकार संस्थाहरूले प्रमुख जिल्ला अधिकारीमार्फत सरकारलाई विभेदकारी कानून नल्याउन चेतावनी दिने ज्ञापनपत्र बुझाएका छन्।
समाचार सारांशGenerated using AI.
काठमाडौँ ।
सरकारले बहुविवाहलाई प्रोत्साहन दिने गरी नयाँ कानून ल्याउन लागेको भन्दै सर्लाहीका महिला अधिकारकर्मीहरूले सदरमुकाम मलंगवामा धर्ना जारी राखेका छन्। जिल्लास्थित महिला अधिकारकर्मीहरूले ‘महिला अधिकारका लागि दबाब अभियान’ अन्तर्गत दुई दिनदेखि सहीद चोकमा विरोध प्रदर्शन गरिरहेका हुन्।
धर्नामा सहभागीहरूले ‘बहुविवाह सहदैनौं’, ‘नारी शोषण बन्द गर’, ‘महिलाको संवैधानिक अधिकार सुनिश्चित गर’ र ‘मेरो शरीर मेरो अधिकार’ जस्ता नारा लेखिएका प्लेकार्ड बोकेर प्रदर्शन गरेका छन्। उनीहरूले महिलालाई विभेदमा पार्ने कुनै पनि किसिमको कानून आफूहरूलाई मान्य नहुने बताएका छन्।
महिला मानव अधिकार रक्षक सञ्जाल, सर्लाहीकी अध्यक्ष रम्भा झाले सरकारले महिलामाथि थप पीडा र विभेद थोपर्ने गरी कानुन ल्याउने तयारी गरेपछि त्यसको विरोधमा देशव्यापी अभियान सुरु भएको बताइन्। उनले सोही अभियानको एक भागको रूपमा सर्लाहीमा पनि धर्ना कार्यक्रम आयोजना गरिएको जानकारी दिइन्।
यसअघि, एक दर्जनभन्दा बढी महिला अधिकारसम्बन्धी संघ–संस्थाहरूले प्रमुख जिल्ला अधिकारी तुलसीबहादुर श्रेष्ठमार्फत नेपाल सरकारलाई ज्ञापनपत्र बुझाएका थिए। उक्त ज्ञापनपत्रमा महिलालाई पछाडि पार्ने र विभेद गर्ने किसिमको कुनै पनि कानुन नल्याउन सरकारलाई चेतावनी दिइएको थियो।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
सम्बन्धित समाचार
ट्रेन्डिङ
आगामी इभेन्ट्सहरू
लोड भइरहेको छ...
Data is loading...
Loading brands...
Loading footer...
