सजिलो पत्रिका
२०८२ साउन १७, शनिबार १०:४८
बागलुङका विभिन्न खानेपानी मुहानको पानीमा दिसामा पाइने जीवाणु (कोलिफर्म) भेटिएको छ, जसले जनस्वास्थ्यमा गम्भीर जोखिम सिर्जना गरेको छ। प्रदेश जनस्वास्थ्य कार्यालय, बागलुङले गरेको परीक्षणमा जिल्लाका ३४१ मुहानमध्ये १२५ वटा मुहानको पानी पिउन अयोग्य पाइएको हो।
कार्यालयका अनुसार, सबैभन्दा बढी जैमिनी नगरपालिकाका मुहान प्रदूषित पाइएका छन्। प्रदेश जनस्वास्थ्य कार्यालयका ल्याब टेक्निसियन डिल्ली आचार्यले जैमिनीमा परीक्षण गरिएका १०६ मुहानमध्ये ४२ वटामा कोलिफर्म भेटिएको जानकारी दिएका छन् । यो तथ्याङ्कले उक्त क्षेत्रमा पानीजन्य रोगको जोखिम उच्च रहेको देखाउँछ।
त्यसैगरी, गलकोट नगरपालिकामा ९१ मुहान परीक्षण गर्दा ४०, काठेखोला गाउँपालिकामा ४७ मध्ये २७, र वडिगाड गाउँपालिकामा ६८ मध्ये १० वटा मुहानमा कोलिफर्म पाइएको छ। बागलुङ नगरपालिकामा भने २४ मुहान परीक्षण गर्दा ४ वटामा मात्रै संक्रमण देखिएको छ।
परीक्षण गरिएका मध्ये ढोरपाटन नगरपालिकाका पाँचवटै मुहानको पानी भने शुद्ध पाइएको छ। यद्यपि, जिल्लाका निसीखोला, तमानखोला, ताराखोला र वरेङ गाउँपालिकामा भने मुहानको परीक्षण गर्न बाँकी रहेको आचार्यले बताए।
चिन्ताजनक कुरा, गत वर्षको तुलनामा यो वर्ष दूषित मुहानको संख्या बढेको छ। "अघिल्लो वर्ष परीक्षण गर्दा १०३ वटा मुहानमा कोलिफर्म देखिएको थियो, यस वर्ष बढेर १२५ पुग्यो," आचार्यले भने, "धेरै ठाउँका मुहानमा कोलिफर्म देखिएको छ र हामीले सबै पालिकामा परीक्षणको दायरा बढाउँदै लैजानेछौँ।"
खानेपानीको मुहानमै दिसामा पाइने जीवाणु भेटिनुले सरसफाइ र मुहान संरक्षणमा गम्भीर लापरबाही भएको संकेत गर्दछ। यसले झाडापखाला, हैजा, टाइफाइड जस्ता पानीजन्य रोगको महामारी फैलन सक्ने भन्दै स्वास्थ्यकर्मीहरूले चिन्ता व्यक्त गरेका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । राष्ट्रिय कृषि आधुनिकीकरण कार्यक्रम, कार्यक्रम कार्यान्वयन एकाइ कास्कीले आर्थिक वर्ष २०८२/८३ मा कृषिको आधुनिकीकरण, उत्पादन वृद्धि र कृषकको आय आर्जनमा टेवा पु¥याउने विभिन्न कार्यक्रम सञ्चालन गरेको छ ।कार्यक्रमअन्तर्गत दुग्ध सङ्कलन तथा चिस्यान केन्द्र स्थापना एवं सुदुढीकरण कार्यक्रमले किसानलाई प्रत्यक्ष फाइदा पुगेको छ । पोखरा महानगरपालिका–२५ हेमजाका व्यावसायिक कृषक
लोड भइरहेको छ...
Loading brands...
