सजिलो पत्रिका
२०८२ साउन ०२, शुक्रबार ०७:३६
काठमाडौँ ।
विभिन्न पूर्वाधार निर्माणका क्रममा काटिएका रुखको सट्टामा नयाँ बिरुवा रोप्न तथा हुर्काउन स्थापना गरिएको वन विकास कोषमा जम्मा भएको करिब तीन अर्ब रुपैयाँ ६ वर्षदेखि प्रयोगविहीन अवस्थामा रहेको छ ।
शुक्रबारको गोरखापत्र दैनिकका अनुसार, विभिन्न आयोजनाका लागि काटिने रुखको सट्टा वृक्षरोपण र वन संवर्धन गर्न खडा गरिएको कोषको रकम उद्देश्यअनुरूप खर्च हुन सकेको छैन । वन तथा वातावरण मन्त्रालयका अनुसार हरेक वर्ष विभिन्न पूर्वाधार विकासका क्रममा करिब सवा एक लाख रुख काटिन्छन् । काटिएका रुखको क्षतिपूर्तिबापत नयाँ रुख रोप्नुपर्ने भए पनि कोषमा रकम जम्मा गर्ने तर वृक्षरोपण नगर्ने प्रवृत्तिले कोषमा रकम थुप्रिएको हो ।
वन विभागका वन अधिकृत प्रयास घिमिरेले चालु आर्थिक वर्षको मसान्तसम्म कोषमा २ अर्ब ९८ करोड ५७ लाख रुपैयाँभन्दा बढी जम्मा भएको तर सो रकम खर्च हुन नसकेको जानकारी दिए ।
वन ऐन, २०७६ अनुसार स्थापित कोषमा रकम जम्मा हुन थालेको हो । पछि वन नियमावली, २०७९ लागू भएपछि रुख काटेबापत सोझै वृक्षरोपण गर्नुको सट्टा कोषमा रकम जम्मा गर्ने प्रावधानले प्राथमिकता पाएको थियो । तर, जम्मा भएको रकमले वृक्षरोपण र वन विकासको काम अघि बढ्न नसक्दा कोषको प्रभावकारितामाथि प्रश्न उठेको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ।सरकारले सरकारी कर्मचारीहरूलाई धूम्रपान र मध्यपानमा निरुत्साहित गर्न नयाँ आचारसंहिता जारी गरेको छ। भूमि व्यवस्था, सहकारी तथा गरिबी निवारण मन्त्रालय, सङ्घीय मामिला तथा सामान्य प्रशासन मन्त्रालयले जारी गरेको आचारसंहिताको दफा ६(झ) मा कर्मचारीहरूले कार्यालय वा सार्वजनिक स्थलमा मदिरा सेवन गर्न, धूम्रपान गर्न र जुवातास खेल्न नपाउने व्यवस्था गरिएको छ।आचारसंहितामा कर्मचारीले
लोड भइरहेको छ...
Loading brands...
