सजिलो पत्रिका
२०८३ जेठ २०, बुधबार १३:३४
नेपाल कम्युनिष्ट पार्टी (एमाले) का अध्यक्ष खड्गप्रसाद शर्मा ओलीले गत भदौ २३ र २४ गतेका घटनाहरू सामान्य आन्दोलन नभई तत्कालीन सरकारलाई विस्थापित गर्न रचिएको 'पूर्वनियोजित षड्यन्त्र' भएको दाबी गरेका छन्। राष्ट्रिय मानव अधिकार आयोगको प्रतिवेदनलाई उद्धृत गर्दै ओलीले ती घटनाहरू प्रायोजित र आपराधिक क्रियाकलापको हिस्सा भएको बताए।
ओलीले लोकतान्त्रिक र संसदीय पद्धतिबाट सरकार ढाल्न नसकेपछि आपराधिक मार्ग अपनाइएको तर्क गरे। उनले आन्दोलनका नाममा पेट्रोल बम बनाउने तालिम दिइएको र गुगल म्यापको प्रयोग गरी नेताहरूका घर पहिचान गरेर आक्रमणको योजना बुनिएको गम्भीर आरोप लगाए। लोकप्रिय नेताहरूलाई बदनाम गराउन झुटा आरोपहरू फैलाइएको र नवयुवाहरूको हत्याको प्रपञ्च रचिएको उनको भनाइ छ।
आफ्नै योजनामा हिंसा मच्चाएर दोष अरूलाई थोपर्ने प्रवृत्तिलाई ओलीले ‘काँक्रो खाएर बियाँ अर्काको गालामा टाँस्ने’ प्रयासको रूपमा चित्रण गरे। उनले यस्ता षड्यन्त्र र धक्काहरूका विरुद्ध पार्टी सचेत रहँदै अघि बढ्ने स्पष्ट पारेका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले देशको आर्थिक विकास र समृद्धिका लागि पुँजी बजारको महत्त्वपूर्ण भूमिका रहेको बताएका छन् ।आज प्रधानमन्त्री तथा मन्त्रिपरिषद्को कार्यालयमा सरोकारवाला र नियमनकारी निकायका व्यक्तिसँग छलफल गर्दै प्रधानमन्त्री शाहले पुँजी बजारमार्फत उद्यमशीलताको विकास र रोजगारी सिर्जना गर्ने कार्य मुख्य प्राथमिकतामा रहेको बताएका हुन् ।प्रधानमन्त्री शाहले व्यवसायीलाई
लोड भइरहेको छ...
Loading brands...
