सजिलो पत्रिका
२०८३ जेठ १८, सोमबार ०८:१७
नेपाली काँग्रेसले प्रधानमन्त्री बालेन्द्र शाह (बालेन)ले संसद्मा सीमा सम्बन्धी दिएको अभिव्यक्तिप्रति गम्भीर आपत्ति जनाएको छ। आइतबार प्रवक्ता देवराज चालीसेमार्फत विज्ञप्ति जारी गर्दै कांग्रेसले प्रधानमन्त्रीको भनाइलाई राष्ट्रहित विपरीत, गैरजिम्मेवार र कूटनीतिक मर्यादा विपरीत भएको दाबी गरेको छ।
प्रधानमन्त्रीले प्रतिनिधिसभाको बैठकमा "हामीले पनि धेरै ठाउँमा सीमा मिचेका छौँ" भनी दिएको अभिव्यक्तिले नेपालको सार्वभौमिकता, संवैधानिक नक्सा र स्थापित राष्ट्रिय अडानलाई कमजोर बनाएको कांग्रेसको ठहर छ। लिम्पियाधुरा, लिपुलेक र कालापानीसहितको नेपाली भूमिमाथिको अतिक्रमणको मुद्दालाई यस्तो टिप्पणीले अन्तर्राष्ट्रिय मञ्चमा कमजोर बनाउने र कूटनीतिक विश्वसनीयता घटाउने जोखिम रहेको विज्ञप्तिमा उल्लेख छ।
कांग्रेसले स्थापित कूटनीतिक संयन्त्रलाई बेवास्ता गर्दै प्रधानमन्त्रीबाट यस्तो अपरिपक्व टिप्पणी आउनु दुःखद भएको जनाएको छ। साथै, यो अभिव्यक्ति सरकारको आधिकारिक दृष्टिकोण हो वा प्रधानमन्त्रीको व्यक्तिगत भनाइ, त्यसबारे स्पष्ट पार्न कांग्रेसले सरकारसँग माग गरेको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले देशको आर्थिक विकास र समृद्धिका लागि पुँजी बजारको महत्त्वपूर्ण भूमिका रहेको बताएका छन् ।आज प्रधानमन्त्री तथा मन्त्रिपरिषद्को कार्यालयमा सरोकारवाला र नियमनकारी निकायका व्यक्तिसँग छलफल गर्दै प्रधानमन्त्री शाहले पुँजी बजारमार्फत उद्यमशीलताको विकास र रोजगारी सिर्जना गर्ने कार्य मुख्य प्राथमिकतामा रहेको बताएका हुन् ।प्रधानमन्त्री शाहले व्यवसायीलाई
लोड भइरहेको छ...
Loading brands...
