सजिलो पत्रिका
२०८३ जेठ ०७, बिहिबार ०७:१९
खोटाङको दिक्तेलमा सञ्चालित ‘तेस्रो बृहत् खोटाङ–हलेसी खेलकुद, साहित्यिक तथा पर्यटन महोत्सव–२०८३’ अन्तर्गत बुधबार सम्पन्न राष्ट्रिय खुला बुद्धिचाल प्रतियोगितामा दमकका प्रकाशचन्द्र नेपाल प्रथम हुन सफल भएका छन्।
प्रकाशचन्द्रले फाइनल भिडन्तमा भारतको सिक्किमका खेलाडी राहुल गुरुङलाई पराजित गर्दै रु २५ हजार नगद पुरस्कार, ट्रफी र मेडल हात पारे। उपविजेता बनेका सिक्कमकै राहुलले रु १५ हजारमा चित्त बुझाए।
प्रतियोगितामा सिक्किमका थेण्डुप तामाङ तेस्रो (रु १०,०००), ताप्लेजुङका ङिमा शेर्पा चौथो (रु ८,०००) र झापाका सुशान्त दाहाल पाँचौँ (रु ७,०००) स्थान हासिल गर्न सफल भए। चौथोदेखि दशौँ स्थानसम्मका खेलाडीलाई जनही रु ५,००० प्रदान गरियो।
प्रादेशिक र स्थानीयतर्फ कोशी प्रदेशबाट खोटाङका खिलराज राई प्रथम र हरिभक्त राई दोस्रो भए। जिल्लागत रूपमा खोटाङबाट बमबहादुर राई प्रथम, ज्ञानबहादुर श्रेष्ठ दोस्रो र प्रभुराम राई तेस्रो घोषित भए।
बुद्धिचाल सङ्घ खोटाङको प्राविधिक संयोजनमा भएको यस प्रतियोगितामा नेपाल र भारतका गरी कुल ५१ जना दिग्गज चेस खेलाडीहरूको सहभागिता रहेको थियो।
६ दिनसम्म चल्ने ३० लाखभन्दा बढी बजेटको यस वृहत् महोत्सवमा जेठ ९ गते नेपाल प्रज्ञा प्रतिष्ठानको सहकार्यमा देशभरका ख्यातिप्राप्त स्रष्टाहरूको उपस्थितिमा बृहत् साहित्यिक प्रज्ञा मेला एवं सम्मान कार्यक्रम राखिएको छ।
खोटाङ, ७ जेठ I
जिल्लाको प्रमुख व्यापारिक केन्द्र दिक्तेल बजारमा सम्पन्न खुला राष्ट्रिय बुद्धिचाल प्रतियोगिताको उपाधि झापास्थित दमकका प्रकाशचन्द्र नेपालले चुम्नुभएको छ ।
नेपालखेलकुद प्रतिष्ठान खोटाङ र नेपाल सितोरियो कराते सङ्घ खोटाङले संयुक्त रुपमा आयोजना गरेको ‘तेस्रो बृहत् खोटाङ–हलेसी खेलकुद, साहित्यिक तथा पर्यटन महोत्सव–२०८३’ को अवसरमा बुधबार सम्पन्न प्रतियोगितामा नेपालले भारतको सिक्किम निवासी राहुल गुरुङलाई हराउँदै उपाधि जित्नुभएको हो ।
दिक्तेलस्थित जिल्ला समन्वय समितिको सभाहलमा आयोजना गरिएको प्रतियोगितामा सिक्किमकै थेण्डुप तामाङ तेस्रो हुनुभएको छ । प्रतियोगितामा प्रथम, दोस्रो र तेस्रो हुने खेलाडीले क्रमशः नगद रु २५ हजार, रु १५ हजार र रु दश हजारको साथमा ट्रफी, मेडल र प्रमाणपत्र प्राप्त गर्नुभएको छ । बुद्धिचाल सङ्घ खोटाङको संयोजनमा आयोजना गरिएको प्रतियोगितामा देशभरका ५१ खेलाडीले सहभागिता जनाएका थिए । विजेता खेलाडीहरुलाई जिल्ला समन्वय समिति खोटाङका प्रमुख सनबहादुर राईले नगदसहित पुरस्कार वितरण गर्नुभएको हो ।
जेठ ३ गतेदेखि सुरु भएको ६ दिने महोत्सवअन्तर्गत पहिलो दिन दौड प्रतियोगिता भएको थियो भने जेठ ९ गते नेपाल प्रज्ञा प्रतिष्ठानसँगको सहकार्यमा बृहत् साहित्यिक महोत्सव आयोजना गरिँदैछ । करिब ३० लाख १३ हजार रुपैयाँको लागतमा सञ्चालित यस महोत्सवको उद्घाटन अवसरमा पत्रकार सविना अछामे परियारलाई नगद रु ११ हजार १११ सहित पुरस्कृत समेत गरिएको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । फ्रान्सलाई पराजित गर्दै स्पेन फिफा विश्वकप - २०२६ को फाइनलमा प्रवेश गरेको छ ।अमेरिकाको टेक्सासस्थित डलास स्टेडियममा भएको पहिलो सेमिफाइनल खेलमा स्पेनले फ्रान्सलाई २–० गोलले पराजित गर्दै फाइनलमा स्थान बनाएको हो ।स्पेनको जितमा मिकेल ओयारजाबाल र पेड्रो पोरोले गोल गरे । खेलको पहिलो गोल मिकेल ओयार्जाबालले गरेका थिए
लोड भइरहेको छ...
Loading brands...
