सजिलो पत्रिका
२०८३ जेठ ०५, मङ्गलबार २१:२१
काठमाडौँ : नेपाल प्रहरीले सेवालाई नागरिक केन्द्रित र प्रविधिमैत्री बनाउन तीनवर्षे रणनीतिक योजना २०८३–२०८५ सार्वजनिक गरेको छ।
योजनामा संगठनको प्रविधिमैत्री रूपान्तरण, कृत्रिम बौद्धिकता (एआई)को प्रयोग, अपराध रोकथाम तथा नियन्त्रण, अनुसन्धानको आधुनिकीकरण र समुदाय साझेदारीलाई मुख्य प्राथमिकता दिइएको छ। मंगलवार प्रहरी प्रधान कार्यालयमा सार्वजनिक गरिएको रणनीतिक योजनामा नवप्रवर्तन, इमानदारी र तत्परतामार्फत प्रहरी सेवाको रूपान्तरण गर्ने लक्ष्य राखिएको छ।
नेपाल प्रहरीको अपराध अनुसन्धानलाई सूचनामा आधारित बनाई प्रहरी सेवाको डिजिटलीकरणलाई तीव्रता दिने योजना छ। प्रहरी सेवामा पारदर्शिता, जवाफदेहिता र परिणाममुखी कार्यशैली विकास गर्न ७ रणनीतिक क्षेत्र तय गरिएका
रणनीतिक योजना सार्वजनिक कार्यक्रममा बोल्दै प्रहरी महानिरीक्षक दान बहादुर कार्कीले नेपाल प्रहरीको नयाँ रणनीतिक योजना केवल कागजी दस्तावेज नभई संगठनलाई समयानुकूल रूपान्तरण गर्ने साझा कार्ययोजना भएको बताए। उनले रणनीतिक योजनाको सफल कार्यान्वयनका लागि संगठनको जवानदेखि माथिल्लो दर्जासम्मका सबै कर्मचारीको समान जिम्मेवारी रहने बताए।
उनले रणनीतिक योजना प्रहरी संगठनको समग्र कार्यदिशा भएको उल्लेख गर्दै यसको प्रभावकारी कार्यान्वयनमा लाग्न सबै तहका कर्मचारीलाई निर्देशन दिए।
कार्कीले भने, ‘नेपाल प्रहरीको रणनीतिक योजना प्रहरी जवानदेखि आइजीपीसम्मको सामूहिकताको प्रतिफल हो। यसलाई नागरिक केन्द्रित बनाउन हामी सबै लाग्नुपर्छ। त्यसैले यो संगठनलाई समयानुकूल बनाउन टेवा पुग्नेछ भन्ने विश्वास छ। यो चाहना नागरिक तहबाट व्यक्त भएको छ।’
आईजीपी कार्कीले नागरिक तहबाट व्यक्त अपेक्षानुसार प्रहरी सेवाको सुधार गर्दै संगठनको पारदर्शिता र व्यावसायिकता अभिवृद्धि गर्ने प्रतिबद्धता जनाए।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । राष्ट्रपति रामचन्द्र पौडेलले नागरिक आन्दोलनका अगुवा डा. देवेन्द्रराज पाण्डेको निधनमा गहिरो दुःख व्यक्त गर्दै समवेदना प्रकट गरेका छन्। शुक्रबार पाण्डेको निवास विशालनगर पुगेर राष्ट्रपतिका प्रेस सल्लाहकार र स्वकीय सचिवले हस्तान्तरण गरेको सन्देशमा राष्ट्रपतिले पाण्डेलाई 'निर्भीक र सत्यको पक्षपाती निष्ठावान लोकतन्त्रवादी' को संज्ञा दिएका छन्।राष्ट्रपति पौडेलले २०३६ सालमा सरकारी
Loading brands...
