सजिलो पत्रिका
२०८३ जेठ ०५, मङ्गलबार १३:३७
काठमाडौँ
‘राष्ट्रका लागि हप्तामा दुई घण्टा स्वयंसेवा’ भन्ने नारासहित सुरु भएको वाग्मती सफाइ महाअभियान १३ वर्ष पूरा गरी १४ औँ वर्षमा प्रवेश गरेको छ । विसं २०७० जेठ ५ गते बागमती नदीलाई स्नानयोग्य बनाउने उद्देश्यसहित सुरु गरिएको यो अभियान हालसम्म निरन्तर सञ्चालन हुँदै आएको छ ।
महाअभियानका अनुसार हालसम्म बागमती नदीबाट २२ हजार मेट्रिक टनभन्दा बढी फोहर व्यवस्थापन गरिएको छ भने करिब १५ लाखभन्दा बढी स्वयंसेवकले नदी सरसफाइमा सहभागिता जनाएका छन् । अभियानअन्तर्गत प्रत्येक शनिबार बिहान नियमित रूपमा विभिन्न स्थानमा सफाइ कार्यक्रम सञ्चालन हुँदै आएको छ ।
अभियानले काठमाडौँ उपत्यकासहित देशभरका १०० भन्दा बढी स्थानमा सरसफाइ गतिविधि विस्तार गरेको छ । उपत्यकामा मात्र २५ भन्दा बढी स्थानमा नदी तथा खोला सफाइ भइरहेको जनाइएको छ । अभियानको प्रभावले देशका अन्य सहर र नदीहरूमा पनि सरसफाइ अभियान फैलिएको छ ।
अभियानकर्मीहरूले स्थानीय सरकारको सक्रिय सहयोग आवश्यक रहेको बताउँदै थप प्रभावकारी व्यवस्थापनको माग गरेका छन् । १४ औँ वर्ष प्रवेशको अवसरमा बानेश्वर क्षेत्रको बागमती किनारमा सरसफाइसँगै वृक्षारोपण कार्यक्रमसमेत गरिएको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ, ९ असारःराष्ट्रिय निकुञ्ज, संरक्षण क्षेत्र र आसपासका क्षेत्रमा समस्याग्रस्त बाघको समस्या बढेको छ । मुलुकभर समस्याग्रस्त बाघको सङ्ख्या १६ पुगेको छ ।मानव बस्तीमा पसेका, मानव तथा घरपालुवा जनावरलाई आक्रमण गरेका र घाइते अवस्थामा भेटिएका समस्याग्रस्त बाघलाई उद्धार गरी खोरमा राख्ने गरिएको छ । चितवन र बर्दिया राष्ट्रिय निकुञ्ज तथा
लोड भइरहेको छ...
Loading brands...
