सजिलो पत्रिका
२०८३ वैशाख १५, मङ्गलबार १४:२१
काठमाडौँ
प्रतिनिधि सभा अन्तर्गतको पूर्वाधार विकास समितिको बैठकमा सांसद राजेन्द्रकुमार राई ले विकास आयोजनाहरूको कार्यान्वयन र जवाफदेहिताबारे गम्भीर प्रश्न उठाएका छन्। उनले विकास आयोजनाको जिम्मेवारी सम्बन्धित मन्त्रालयका मन्त्रीहरूले नै लिनुपर्नेमा जोड दिएका हुन्।
बैठकमा बोल्दै सांसद राईले राष्ट्रिय योजना आयोग को भूमिका योजना बनाउने र अनुगमन गर्ने मात्र भएको उल्लेख गर्दै कार्यान्वयनसम्बन्धी जवाफ आयोगले दिन नसक्ने बताएका छन्। उनले ऊर्जा, भौतिक पूर्वाधार तथा खानेपानी मन्त्रालयका कामबारे मन्त्रीहरू नै जिम्मेवार हुनुपर्ने बताए।
राईले मन्त्रालयमा देखिने समस्या र कार्यान्वयनका कमजोरीबारे मन्त्रीहरू नै जानकार हुने भएकाले समितिमा उपस्थित भएर जवाफदेही बन्नुपर्ने धारणा राखे। साथै, उनले विकास आयोजनाबारे स्पष्ट र पूर्ण विवरण नआउँदा अनुगमन प्रभावकारी नभएको टिप्पणी पनि गरे।
सांसद राईले विशेषगरी मध्यपहाडी राजमार्गजस्ता ठूला आयोजनाको प्रगति, कामको प्रतिशत र बाँकी अवस्थाबारे स्पष्ट जानकारी आवश्यक रहेको बताए। उनले नयाँ सांसदहरूलाई समेत आयोजना सम्बन्धी विस्तृत विवरण उपलब्ध गराउन योजना आयोगलाई आग्रह गरे।
त्यसैगरी, उनले देशका विभिन्न स्थानमा बाढीपहिरोका कारण पूर्वाधारमा भएको क्षतिको विषयमा तत्काल छलफल र समाधान आवश्यक रहेको बताए। रोशी खोला लगायत क्षेत्रमा भएको क्षतिको उदाहरण दिँदै उनले समितिले यसलाई प्राथमिकतामा राख्नुपर्ने उल्लेख गरे।
खानेपानी क्षेत्रका अधूरा आयोजनाबारे पनि सांसद राईले चिन्ता व्यक्त गर्दै स्पष्ट कार्ययोजना बिना काम सम्पन्न नहुने बताए। उनले प्रत्येक आयोजनाको परिणाम देखिने गरी काम गर्न सम्बन्धित मन्त्रीलाई सुझाव दिएका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले देशको आर्थिक विकास र समृद्धिका लागि पुँजी बजारको महत्त्वपूर्ण भूमिका रहेको बताएका छन् ।आज प्रधानमन्त्री तथा मन्त्रिपरिषद्को कार्यालयमा सरोकारवाला र नियमनकारी निकायका व्यक्तिसँग छलफल गर्दै प्रधानमन्त्री शाहले पुँजी बजारमार्फत उद्यमशीलताको विकास र रोजगारी सिर्जना गर्ने कार्य मुख्य प्राथमिकतामा रहेको बताएका हुन् ।प्रधानमन्त्री शाहले व्यवसायीलाई
लोड भइरहेको छ...
Loading brands...
