सजिलो पत्रिका
२०८३ वैशाख ०७, सोमबार १४:२९
काठमाडौँ
संयुक्त अरब इमिरेट्स (यूएई) जान लागेका नेपाली नागरिकको राहदानीमा ‘रोजगारी निषेध’ लेखिएको विषयमा त्रिभुवन अन्तर्राष्ट्रिय विमानस्थल अध्यागमन कार्यालयका दुई अधिकृतमाथि कारबाही गरिएको छ।
अध्यागमन विभागले प्रचलित कानुन र विभागीय निर्णयविपरीत कार्य गरेको भन्दै ती दुई अधिकृतलाई जिम्मेवारीबाट हटाएको हो। उनीहरूको परिचय भने सार्वजनिक गरिएको छैन। सो घटनापछि विभागले थप छानबिन प्रक्रिया अघि बढाएको जनाएको छ।
विमानस्थलबाट यूएई प्रस्थान गर्न लागेका नेपालीको राहदानीमा प्रस्थान छापसँगै ‘रोजगारी पूर्ण रूपमा निषेध गरिएको छ’ भन्ने व्यहोरा उल्लेख गरिएको भेटिएपछि विवाद बाहिर आएको थियो। त्यसपछि विभागले गत वैशाख ३ गते नै छानबिन समिति गठन गरेको थियो।
अध्यागमन विभागका प्रवक्ता टीकाराम ढकालले विज्ञप्ति जारी गर्दै नेपाली नागरिकलाई शर्त तोकेर प्रस्थान अनुमति दिने कुनै नीति वा निर्णय नभएको स्पष्ट पारेका छन्। उनले नियमविपरीत कार्य गर्ने कर्मचारीलाई तत्काल जिम्मेवारीबाट हटाइएको र थप अनुसन्धान भइरहेको जानकारी दिए।
विभागले सबै कर्मचारीलाई प्रचलित ऐन, नियम र निर्देशनअनुसार मात्र कार्य गर्न सचेत गराउँदै गैरकानुनी गतिविधिमा संलग्नलाई कारबाही गरिने चेतावनी समेत दिएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । सरकारका सचिवहरुको बैठकले शासकीय सुधारको एकसय कार्यसूचीअन्तर्गत सम्पन्न भएका सुशासन प्रवद्र्धन, सेवाप्रवाह सुधार र निर्णय प्रक्रिया सरलीकरणलगायत क्षेत्रमा भएका असल अभ्यासलाई निरन्तता दिने निर्णय गरेको छ ।मुख्यसचिव गोविन्दबहादुर कार्कीको अध्यक्षतामा आज भएको सचिव बैठकले कार्यसूचीमा उल्लेखित बुँदा कार्यान्वयनका लागि गठित कार्यदल र समितिबाट प्राप्त सुझाव कार्यान्वयन गर्ने र
लोड भइरहेको छ...
Loading brands...
