सजिलो पत्रिका
२०८२ चैत २९, आइतबार ११:३५
काठमाडौँ
नरेन्द्र मोदीले बालेन्द्र शाहलाई भारत भ्रमणका लागि औपचारिक निमन्त्रणा पठाएका छन्। उक्त निमन्त्रणालाई प्रधानमन्त्री शाहले स्वीकार गरिसकेको जानकारी दिइएको छ, तर भ्रमणको मिति भने अझै तय भएको छैन।
मौरिससमा आयोजित हिन्द महासागर सम्मेलनको साइडलाइनमा सञ्चारकर्मीसँग कुरा गर्दै शिशिर खनालले यसबारे जानकारी दिएका हुन्। उनका अनुसार नेपालमा निर्वाचन सम्पन्न भएपछि भारतीय प्रधानमन्त्री मोदीले टेलिफोनमार्फत प्रधानमन्त्री शाहलाई बधाई दिँदै भारत भ्रमणको निम्ता दिएका थिए।
खनालले नयाँ सरकार गठन भएको छोटो समय भएकाले अहिले सरकारले आन्तरिक प्राथमिकताहरू निर्धारण गरिरहेको बताएका छन्। उनले नेपाल–भारतबीच करिब ४० वटा द्विपक्षीय संयन्त्र सक्रिय रहेको उल्लेख गर्दै ती संयन्त्रमार्फत सम्बन्धलाई अघि बढाइने बताए।
यसै क्रममा खनालले एस. जयशंकरसँग भएको भेटमा द्विपक्षीय सम्बन्ध र उच्चस्तरीय भ्रमणबारे छलफल भएको जानकारी पनि दिए। दुवै पक्षबीच नेपालले पहिले आफ्ना आन्तरिक प्राथमिकताहरू तय गर्ने र त्यसपछि भ्रमणहरू अघि बढाउने सहमति भएको उनको भनाइ छ।
परराष्ट्र नीतिका विषयमा बोल्दै खनालले नयाँ सरकार आए पनि नीतिगत निरन्तरता कायम रहने स्पष्ट पारे। उनले नेपालको परराष्ट्र नीति राष्ट्रिय हित, आर्थिक विकास, सार्वभौमसत्ता, क्षेत्रीय अखण्डता र असंलग्नतामा आधारित रहने बताए। साथै, छिमेकी राष्ट्र तथा अन्तर्राष्ट्रिय साझेदारहरूसँगको सम्बन्धलाई आर्थिक वृद्धि र राष्ट्रिय स्वार्थसँग जोडेर अघि बढाइने सरकारको प्राथमिकता रहेको उनले उल्लेख गरे।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले देशको आर्थिक विकास र समृद्धिका लागि पुँजी बजारको महत्त्वपूर्ण भूमिका रहेको बताएका छन् ।आज प्रधानमन्त्री तथा मन्त्रिपरिषद्को कार्यालयमा सरोकारवाला र नियमनकारी निकायका व्यक्तिसँग छलफल गर्दै प्रधानमन्त्री शाहले पुँजी बजारमार्फत उद्यमशीलताको विकास र रोजगारी सिर्जना गर्ने कार्य मुख्य प्राथमिकतामा रहेको बताएका हुन् ।प्रधानमन्त्री शाहले व्यवसायीलाई
लोड भइरहेको छ...
Loading brands...
