सजिलो पत्रिका
२०८२ फागुन ०९, शनिबार २०:३०
चुनाव हार्नै नजानेका, अनि एउटै क्षेत्रबाट पटक–पटक सांसद बनेर पाँच पटक प्रधानमन्त्री बनेका नेपाली काँग्रेस पूर्वसभापति शेर बहादुर देउबा फागुन २१ गते हुने प्रतिनिधि सभा निर्वाचनका उम्मेदवार छैनन् ।
२०७८ सालदेखि हालसम्म अपराजित देउवाले अन्तिम पटक चुनाव लड्ने सार्वजनिक अभिव्यक्ति नै दिएका थिए । तर कांग्रेसमै बिद्रोह गर्दै विशेष महाधिवेशनबाट सभापति छानिएका गगन थापा नेतृत्वको कार्यसमितिले यस पटक देउवाको ठाउँमा नैनसिंह महरलाई टिकट दिएको छ । देउवा चुनाव बाहिर हुँदा कांग्रेसलाई डडेल्धुराका शाख जोगाउन निक्कै संघर्ष गर्नु परिररहेको छ ।
उनी निर्वाचन क्षेत्रमा समेत पुगेका छैनन् । देउवा निकटका केही कार्यकर्ताहरुले चुनावी अभियानमा जिल्ला आउन आग्रह गरेपनि उनले वेवास्ता गरिरहेका छन् । जसका कारण कांग्रेसलाई शाख जोगाउन हम्मे पर्ने देखिएको छ ।
सुदूरपश्चिमबाट चुनाव लडेर देशकै राजनीतिमा प्रभाव पार्ने कांग्रेसकै रमेश लेखक पनि यस पटक निर्वाचनबाट बाहिर छन् । लेखकको चुनाव लड्ने चाहना हुँदाहुदै उनलाई कांग्रेस नेतृत्वले टिकट दिन चाहेन ।
जेनजी आन्दोलनका क्रममा लेखक गृहमन्त्री थिए । उनी कञ्चनपुर क्षेत्र नम्बर–३ बाट चुनाव लड्दै आएको थिए । सो क्षेत्रमा कांग्रेसले यस पटक हरि प्रसाद बोहरालाई उम्मेदवार बनाएको छ ।
कञ्चनपुर जिल्लाको निर्वाचन क्षेत्र नम्बर ३ कांग्रेसको गढ नै मानिन्छ । कांग्रेसले वर्चश्व जमाएको सो क्षेत्रमा लेखक ०५६, ०७० को दोस्रो संविधान सभा र ०७९ को प्रतिनिधि सभामा निर्वाचित भएका थिए ।
नेपाल कम्युनिष्ट पार्टी (एमाले)का केन्द्रिय सदस्य कर्ण थापा पनि राष्ट्रिय राजनीतिमा उच्च छवि बनाएका व्यक्ति हुन् । बाजुरालाई आधार बनाएर राजनीतिक गर्दै आएका थापाले यस पटक टिकट पाउन सकेनन् ।
एमाले अध्यक्ष खड्गप्रसाद शर्मा ओलीको विरुद्ध लागेको आरोपमा थापाले टिकट नपाएको टिप्पणी हुने गरेको छ । बाजुराबाट पटक–पटक चुनाव लड्का थापा ०७० को संविधान सभा निर्वाचनमा विजयी भएका थिए । ०७९ को निर्वाचनमा उनि कांग्रेसका उम्मेदवारसंग पराजित भएका हुन् ।
नेकपा एमालेबाट राजनीति सुरुवात गर्दै हाल नेपाली कम्युनिष्ट पार्टीका आबद्ध रहेका नेता भानु भक्त जोशी बझाङका नहार्ने नेताका रुपमा परिचित छन् ।
०४७ सालमा पहिलो पटक संसदीय यात्रा थालेका जोशी त्यस एता एक पटक पराजीत भएका थिए भने अन्य निर्वाचन जोशीले जित्दै आएका छन् ।
तर यस पटक नेपाली कम्युनिष्ट पार्टीले जोशीलाई टिकट नै दिएन । उनको स्थानमा बझाङबाट नेकपाबाट मिनबहादुर कुँवर चुनाव लडिरहेका छन् ।
नागरिक उन्मुक्ति पार्टी नेपालका संरक्षक रेशम थारुले यस पटक कैलाली क्षेत्र नम्बर–१ बाट उम्मेदवारी दिएपनि निर्वाचन आयोगले खाारेज गरिदिएको छ ।
चौधरी फैजदारी मुद्दामा अपराधी प्रमाणित भएको भन्दै संविधान अनुसार नै उनी अयोग्य रहेको भन्दै निर्वाचन आयोगले चौधरीको उम्मेदवारी खारेज गरेको हो ।
चौधरीले २०७९ को निर्वाचनमा नागरिक उन्मुक्ति पार्टीबाटै आफै श्रीमती रञ्जिता श्रेष्ठलाई विजयी गराएका थिए । २०७४ को निर्वाचनमा जेलबाटै उम्मेदवारी दिंदा समेत चौधरी कैलाली–१ बाट निर्वाचित भएका थिए । तर उनको संसद यात्रा भने हुन सकेन् ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँप्रतिनिधिसभा सदस्यको निर्वाचनसँगै प्रत्यक्ष र समानुपातिकतर्फको नतिजा सार्वजनिक भएको छ । राष्ट्रिय स्वतन्त्र पार्टी पहिलो, नेपाली काँग्रेस दोस्रो, नेपाल कम्युनिष्ट पार्टी (एमाले) तेस्रो र नेपाली कम्युनिष्ट पार्टी (नेकपा) चौथो पार्टी बनेको छ । यस पटक सीमान्तृकत समुदायको उपस्थिति कमजोर देखिएको छ । प्रत्यक्षतर्फ १६५ मध्ये जम्मा १४ जना (८.४८ प्रतिशत) छ
लोड भइरहेको छ...
Loading brands...
