सजिलो पत्रिका
२०८२ फागुन ०८, शुक्रबार १९:४५
काठमाडौँ
भक्तपुरमा नमूना मतदान कार्यक्रम सम्पन्न गरिएको छ । जिल्ला निर्वाचन कार्यालय भक्तपुर र मुख्य निर्वाचन अधिकृतको कार्यालयको संयुक्त आयोजनामा आज चाँगुनारायण नगरपालिका खरिपाटीस्थित नेपाल विद्युत् प्राधिकरण तालिम केन्द्रमा नमूना मतदान गरिएको हो ।
निर्वाचनका दिन मतदाता तथा कर्मचारीले अपनाउनुपर्ने सम्पूर्ण प्रक्रिया व्यवहारमै अभ्यास गराउने उद्देश्यले नमूना मतदान गरिएको जिल्ला निर्वाचन कार्यलयले जनाएको छ । विगतका निर्वाचनमा देखिएको मत बदरको समस्या न्यूनीकरण गर्नुका साथै मतदातालाई सही तरिकाले मतदान गर्ने विधिबारे जानकारी गराउने लक्ष्यसहित नमूना मतदान गरिएको हो ।
मतदान केन्द्रमा खटिने कर्मचारीहरूको जिम्मेवारी भूमिका विभाजन र आपसी समन्वयबारे समेत छलफल गरिएको थियो । कार्यक्रममा निर्वाचनलाई निष्पक्ष, पारदर्शी र व्यवस्थित बनाउन नमूना मतदान अत्यन्त उपयोगी हुने भक्तपुरका प्रमुख जिल्ला अधिकारी उमेशकुमार ढकालले जानकारी दिनुभयो ।
कार्यक्रममा प्रमुख जिल्ला अधिकारी ढकाल, जिल्ला प्रहरी परिसरका प्रमुख सूर्यबहादुर खड्का, मुख्य निर्वाचन अधिकृत नवराज दाहाल, जिल्ला निर्वाचन अधिकारी प्रकाश मगरलगायतको उपस्थित थियो ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँप्रतिनिधिसभा सदस्यको निर्वाचनसँगै प्रत्यक्ष र समानुपातिकतर्फको नतिजा सार्वजनिक भएको छ । राष्ट्रिय स्वतन्त्र पार्टी पहिलो, नेपाली काँग्रेस दोस्रो, नेपाल कम्युनिष्ट पार्टी (एमाले) तेस्रो र नेपाली कम्युनिष्ट पार्टी (नेकपा) चौथो पार्टी बनेको छ । यस पटक सीमान्तृकत समुदायको उपस्थिति कमजोर देखिएको छ । प्रत्यक्षतर्फ १६५ मध्ये जम्मा १४ जना (८.४८ प्रतिशत) छ
लोड भइरहेको छ...
Loading brands...
