सजिलो पत्रिका
२०८२ माघ ०७, बुधबार १२:४३
काठमाडौँ ।
जापानका पूर्वप्रधानमन्त्री सिन्जो आबेको हत्यामा संलग्न तेत्सुया यामागामीलाई नारा जिल्ला अदालतले बुधबार आजीवन कारावासको सजाय सुनाएको छ । न्यायाधीश शिनिची तनाकाले यो हत्यालाई जापानी इतिहासकै अभूतपूर्व र गम्भीर घटना भन्दै उक्त फैसला सुनाएका हुन् ।
जुलाई २०२२ मा चुनावी सभालाई सम्बोधन गरिरहेका आबेमाथि ४५ वर्षीय यामागामीले हस्तनिर्मित बन्दुकले गोली प्रहार गरी हत्या गरेका थिए । अभियोजन पक्षले यो हत्या पूर्वनियोजित रहेको र यामागामीले सन् २०२० देखि नै बन्दुक बनाउन थालेको प्रमाण पेस गरेको थियो ।
यामागामीले भने आफ्नी आमाको 'एकीकरण चर्च' प्रतिको अन्धभक्ति र ठूलो आर्थिक दानका कारण आफ्नो बाल्यकाल तहसनहस भएको र सोही चर्चसँग आबेको सम्बन्ध रहेकाले हत्या गरेको बयान दिएका थिए ।
यो घटनाले जापानको राजनीतिमा ठूलो तरंग ल्याएको थियो । हत्यापछि सत्तारुढ दल र उक्त चर्चबीचको सम्बन्ध उजागर हुँदा चार जना मन्त्रीले राजीनामा दिनुपरेको थियो । कडा बन्दुक नियन्त्रण कानुन भएको जापानमा यो घटनालाई सुरक्षा कमजोरीको रूपमा समेत हेरिएको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । जोर्डनस्थित अमेरिकी सैन्य अड्डामा भएको घातक आक्रमणको बदला लिन अमेरिकाले इरानको अर्धसैनिक बल ‘रिभोलुसनरी गार्ड’का रणनीतिक सैन्य संरचनाहरूमाथि आइतबार भीषण हवाई आक्रमण गरेको छ। यससँगै होर्मुज जलसन्धिलाई केन्द्रमा राखेर जारी अमेरिका–इरान तनावले थप उग्र रूप लिएको छ।अमेरिकी सेनाको ‘सेन्ट्रल कमान्ड’का अनुसार यो कारबाहीमा पहिलो पटक रिभोलुसनरी गार्डका संरचनालाई
लोड भइरहेको छ...
Loading brands...
