सजिलो पत्रिका
२०८२ पुस ३०, बुधबार ०९:०६
काठमाडौँ ।
संघीय संसद्अन्तर्गत राष्ट्रिय सभाका दुई वटा विषयगत समितिका बैठकहरू आज बुधबार बस्दैछन्। संसद् सचिवालयका अनुसार विधायन व्यवस्थापन समिति र सार्वजनिक नीति तथा प्रत्यायोजित विधायन समितिको बैठक छुट्टाछुट्टै समयमा बस्न लागेको हो।
आज बिहान ११:३० बजे बस्ने विधायन व्यवस्थापन समितिको बैठकमा 'पर्यटन विधेयक, २०८१' माथि दफावार छलफल हुने कार्यसूची रहेको छ। पर्यटन क्षेत्रलाई व्यवस्थित र आधुनिक बनाउने लक्ष्यसहित ल्याइएको यस विधेयकका विभिन्न प्रावधानहरूमाथि सांसदहरूले संशोधन र सुझाव प्रस्तुत गर्नेछन्।
त्यसैगरी, दिउँसो १:०० बजे सार्वजनिक नीति तथा प्रत्यायोजित विधायन समितिको बैठक बोलाइएको छ। उक्त बैठकमा समितिको छैटौँ वार्षिक प्रतिवेदन (२०८१/२०८२) को मस्यौदा र यससँग सम्बन्धित विविध विषयमा छलफल गरिनेछ। समितिले वर्षभरि गरेका कामकारबाही र सरकारलाई दिएका निर्देशनहरूको प्रभावकारिताका बारेमा प्रतिवेदनमा समेटिएका बुँदाहरूमाथि सदस्यहरूले धारणा राख्नेछन्।
यी दुवै बैठकहरू सिंहदरवारस्थित संसदीय समितिको सभाकक्षमा बस्नेछन्। विशेष गरी पर्यटन विधेयकमाथिको छलफललाई निजी क्षेत्र र सरोकारवालाहरूले निकै चासोका साथ हेरेका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले देशको आर्थिक विकास र समृद्धिका लागि पुँजी बजारको महत्त्वपूर्ण भूमिका रहेको बताएका छन् ।आज प्रधानमन्त्री तथा मन्त्रिपरिषद्को कार्यालयमा सरोकारवाला र नियमनकारी निकायका व्यक्तिसँग छलफल गर्दै प्रधानमन्त्री शाहले पुँजी बजारमार्फत उद्यमशीलताको विकास र रोजगारी सिर्जना गर्ने कार्य मुख्य प्राथमिकतामा रहेको बताएका हुन् ।प्रधानमन्त्री शाहले व्यवसायीलाई
लोड भइरहेको छ...
Loading brands...
