सजिलो पत्रिका
२०८२ पुस २०, आइतबार ०७:४७
काठमाडौँ ।
अमेरिकी राष्ट्रपति डोनाल्ड जोन ट्रम्पले भेनेजुएलाका राष्ट्रपति निकोलस मादुरोलाई गिरफ्तार गरेपछिको तस्बिर सार्वजनिक गरेका छन् । ट्रम्पले आफ्नो सामाजिक सञ्जाल 'ट्रुथ सोसल' मार्फत अमेरिकी युद्धपोतमा रहेका मादुरोको तस्बिर सार्वजनिक गरेका हुन् ।
तस्बिरमा मादुरोले आँखामा मास्क, खैरो ट्र्याकसुट र हेडफोन लगाएका देखिन्छन् । तस्बिरसँगै ट्रम्पले लेखेका छन्, "निकोलस मादुरो यूएसएस इवो जिमा (युद्धपोत) मा ।"
फ्लोरिडामा आयोजित पत्रकार सम्मेलनमा ट्रम्पले भेनेजुएलामा शक्तिको शान्तिपूर्ण हस्तान्तरण नभएसम्म देश अमेरिकाले चलाउने घोषणा गरे । उनले अमेरिकी सेनाको कारबाहीमा भेनेजुएलाको सेना चाँडै पराजित भएको र कुनै पनि अमेरिकी सैनिक हताहत नभएको बताए ।
यसअघि शनिबार अमेरिकाले भेनेजुएलामा भीषण हवाई हमला गरी राष्ट्रपति मादुरो र उनकी पत्नीलाई उनीहरूकै शयनकक्षबाट पक्राउ गरेको थियो । अमेरिकी महान्यायाधिवक्ता पामेला बोन्डीले मादुरोविरुद्ध लागुऔषध-आतंकवाद, कोकिन आयात र हतियार तस्करी जस्ता गम्भीर अभियोगमा मुद्दा चलाइने बताएकी छन् ।
यसैबीच, भेनेजुएलाकी उपराष्ट्रपति डेल्सी रोड्रिगेजले राष्ट्रपति दम्पतीको अवस्था अज्ञात रहेको भन्दै उनीहरू जीवित रहेको प्रमाण माग गरेकी छन् । अन्तर्राष्ट्रिय सञ्चारमाध्यमका अनुसार, मादुरोलाई अर्को हप्ता म्यानहट्टनको अदालतमा उपस्थित गराइने सम्भावना छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । जोर्डनस्थित अमेरिकी सैन्य अड्डामा भएको घातक आक्रमणको बदला लिन अमेरिकाले इरानको अर्धसैनिक बल ‘रिभोलुसनरी गार्ड’का रणनीतिक सैन्य संरचनाहरूमाथि आइतबार भीषण हवाई आक्रमण गरेको छ। यससँगै होर्मुज जलसन्धिलाई केन्द्रमा राखेर जारी अमेरिका–इरान तनावले थप उग्र रूप लिएको छ।अमेरिकी सेनाको ‘सेन्ट्रल कमान्ड’का अनुसार यो कारबाहीमा पहिलो पटक रिभोलुसनरी गार्डका संरचनालाई
Loading brands...
