सजिलो पत्रिका
२०८२ पुस १६, बुधबार २१:०३
काठमाडौँ
नेपाल समाजवादी पार्टी (नयाँ शक्ति) का अध्यक्ष बाबुराम भट्टराईले कृषिप्रधान अर्थतन्त्रलाई औद्योगिक अर्थतन्त्रमा रुपान्तरण गर्न खास नीति लिनुपर्ने बताएका छन् ।
नेपाल उद्योग वाणिज्य महासंघले बुधबार आयोजना गरेको ‘शान्ति, स्थायित्व र समृद्धिका लागि सहकार्य’ विषयक संवाद कार्यक्रममा बोल्दै उनले ६० प्रतिशत जनसंख्या कृषि क्षेत्रमा लागेको देश विकसित भएको तथ्य नभएको भन्दै यसलाई परिवर्तन गर्नको लागि कृषिप्रधान अर्थतन्त्रलाई औद्योगिक अर्थतन्त्रमा रुपान्तरण गर्नुपर्ने बताए ।
उनले भने, ‘हामीले कुनै पनि कुरालाई देश कालको सापेक्षतामा हेर्नुपर्छ । नेपाली समाज अहिले कुन चरणमा छ । विश्व कुन ठाँउमा छ । हामी अहिले पनि अरुभन्दा झण्डै सय वर्ष पछाडि परिसकेका छौँ । कुनै पनि देशको ६० प्रतिशत जनसंख्या कृषि क्षेत्रमा लागेको देश विकसित भएको कतै छ, छैन । यसलाई परिवर्तन गर्नको लागि हाम्रो कृषिप्रधान जुन अर्थतन्त्र हो यसलाई औद्योगिक अर्थतन्त्रमा रुपान्तरण गर्नको लागि खास चरणमा खास नीतिहरु लिनुपर्छ ।’
यस्तै, उनले राज्य, निजी क्षेत्र र सामुदायिक क्षेत्रको सहकार्यले यस्तो अवस्थामा स्पष्ट नीति बनाएर अगाडि बढ्न सक्यो भने फड्को हान्न सकिन्छ कि भन्ने पनि बताए ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं ।नेपाल कम्युनिष्ट पार्टी (एमाले) सुदूरपश्चिम प्रदेश संसदीय दलले नेपाली काँग्रेस नेतृत्वको प्रदेश सरकारलाई दिएको समर्थन फिर्ता लिने निर्णय गरेको छ। बुधबार बसेको संसदीय दलको बैठकले सोही दिन साँझ ५ बजेदेखि लागू हुने गरी सरकारप्रतिको समर्थन फिर्ता लिने निर्णय गरेको दलका नेता राजेन्द्रसिंह रावलले जानकारी दिए।आर्थिक वर्ष २०८३/८४ को बजेट
लोड भइरहेको छ...
Loading brands...
