सजिलो पत्रिका
२०८२ पुस १५, मङ्गलबार ०८:०४
अमेरिकी राष्ट्रपति डोनाल्ड जोन ट्रम्पले गाजा शान्ति योजनाको दोस्रो चरण छिट्टै सुरु हुने आशा व्यक्त गरेका छन् । फ्लोरिडामा इजरायली प्रधानमन्त्री बेंजामिन नेतान्याहूसँगको भेटपछि उनले यदि हमासले आफ्ना हतियारहरू नत्यागेमा गम्भीर परिणाम भोग्नुपर्ने चेतावनी दिएका हुन् ।
२० बुँदे शान्ति योजनामा हमासको निशस्त्रीकरण मुख्य सर्त रहेको छ । पत्रकार सम्मेलनमा ट्रम्पले इजरायलले योजनाको १०० प्रतिशत पालना गरेको दाबी गरे पनि गाजामा इजरायली सेनाको आक्रमण भने जारी छ ।
शान्ति योजनाको दोस्रो चरणअन्तर्गत गाजामा एक प्राविधिक सरकार गठन गर्ने, हमासले हतियार त्याग्ने र इजरायली सेना फिर्ता हुने उल्लेख छ । त्यसपछि मात्रै गाजाको पुनर्निर्माण सुरु हुनेछ ।
ट्रम्पले इरानले आफ्नो आणविक कार्यक्रम अघि बढाएमा अमेरिकाले त्यसविरुद्धको अर्को ठूलो आक्रमणलाई समर्थन गर्न सक्ने संकेत पनि दिएका छन् ।
हमासद्वारा सञ्चालित स्वास्थ्य मन्त्रालयका अनुसार, गत अक्टोबरमा युद्धविराम लागू भएयता गाजामा इजरायली सेनाको आक्रमणबाट कम्तीमा ४१४ प्यालेस्टिनीको मृत्यु भइसकेको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । जोर्डनस्थित अमेरिकी सैन्य अड्डामा भएको घातक आक्रमणको बदला लिन अमेरिकाले इरानको अर्धसैनिक बल ‘रिभोलुसनरी गार्ड’का रणनीतिक सैन्य संरचनाहरूमाथि आइतबार भीषण हवाई आक्रमण गरेको छ। यससँगै होर्मुज जलसन्धिलाई केन्द्रमा राखेर जारी अमेरिका–इरान तनावले थप उग्र रूप लिएको छ।अमेरिकी सेनाको ‘सेन्ट्रल कमान्ड’का अनुसार यो कारबाहीमा पहिलो पटक रिभोलुसनरी गार्डका संरचनालाई
Loading brands...
