सजिलो पत्रिका
२०८२ पुस ०७, सोमबार ०९:४८
काठमाडौँ ।
नेपाल जेनजी फ्रन्टकी संयोजक रक्षा बमले 'जेनजी' अभियन्ता सुदन गुरुङ र मिराज ढुंगानालाई चेतावनी दिएकी छन् । सामाजिक सञ्जाल फेसबुकमार्फत उनले गुरुङ र ढुंगानाको पितृसत्तावादी सोचप्रति आपत्ति जनाउँदै चुरा लगाएका हातलाई कमजोर नठान्न चेतावनी दिएकी हुन् ।
"चुरा लगाएका हातलाई कमजोर ठान्ने पितृसत्तावादी भूल नगर्नुहोला," बमले लेखेकी छिन्, "स्त्रीद्वेषी टिप्पणी दिन छोड्नुस् र याद गर्नुस्, परिवर्तनका हरेक आन्दोलनमा महिलाहरूले पनि आफ्नो रगत पसिना एक गरेका छन् ।" उनले भदौ २८ गते आफूलाई ढोगेको घटना स्मरण गराउँदै लेखेकी छिन्, "तपाईंले चुरा लगाएकै हात भएकी एक महिलाको खुट्टामा लम्पसार परेर ढोग्नुभएको थियो ।"
बमले संसद् पुनःस्थापनाको बहसलाई 'पश्चगामी' भन्दै अबको निकास नयाँ जनादेशसहितको नयाँ संसद् भएको बताएकी छन् । उनले कसैको स्वार्थपूर्तिका लागि 'जेनजी' हरू राजनीतिक गोटी बन्न नहुनेमा जोड दिइन् ।
उनले महिलालाई कमजोर ठान्ने सोचविरुद्ध आफ्नो संघर्ष जारी रहने स्पष्ट पार्दै देशमा शान्तिको आवश्यकता रहेको र सबैलाई सचेत रहन आग्रह गरेकी छन् ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाली बजारमा सोमबार सुनचाँदीको मूल्य बढेको छ । सुन तोलामा ६ सय रुपैयाँले बढेर आज प्रतितोला २ लाख ८४ हजार ६ सय रुपैयाँमा कारोबार भइरहेको नेपाल सुनचाँदी ब्यवसायी महासंघले जनाएको छ ।आइतबार भने सुनको मूल्य प्रतितोला २ लाख ८४ हजार रुपैयाँमा कायम भएको थियो ।यसैगरी, चाँदीको मूल्य पनि
लोड भइरहेको छ...
Loading brands...
