सजिलो पत्रिका
२०८२ मंसिर २२, सोमबार १९:३८
काठमाडौँ
श्रम संस्कृति पार्टीका सभापति तथा धरान उपमहानगरपालिकाका मेयर हर्कराज साम्पाङ राईले देशप्रेम र पहिचानप्रतिको संवेदनशीलता जागृत गर्नुपर्नेमा जोड दिएका छन् ।
पार्टी संगठन विस्तार तथा प्रवेश कार्यक्रममा बोल्दै साम्पाङले विदेशमा बसेर देशका लागि अथक परिश्रम गरिरहेका प्रवासी नेपालीप्रति सम्मान व्यक्त गर्दै स्वदेशमा बस्नेहरूले पनि मातृभूमिप्रतिको कर्तव्यबोध कायम राख्नुपर्ने बताएका हुन् ।
उनले भने, ‘जब हामी ढुंगा छुन्छौं, माटो छुन्छौं, पानी र हावा छुन्छौं, यी सबैले देशको सम्झना गराओस् । हिमाल–पहाड देख्दा देशप्रेम जागोस् । करिब १ करोड नेपाली आज विदेशमा छन्, उनीहरूले पठाएको रेमिट्यान्सले नै देश चलिरहेको छ । हामीले आज यही भूमिबाट ती सबै प्रवासी दाजुभाइ–दिदीबहिनीलाई सम्झिएका छौं ।’
साम्पाङले स्वदेशमा बसेर देशलाई कत्तिको सम्झिन्छौँ भन्ने आत्ममूल्यांकन गर्नुपर्ने आवश्यकता समेत दोहोर्याए । ‘प्रवासीले त देश सम्झिरहेका छन्, तर हामी स्वदेशमा बस्नेहरूले उनीजति देशलाई सम्झिरहेका छौं कि छैनौं ?’ उनले प्रश्न गरे ।
कार्यक्रममा उनले प्रत्येक नेपालीले मातृभूमिसँगको सम्बन्धलाई हरेक पल अनुभूत गर्न सक्नुपर्नेमा जोड दिएका थिए ।
उनले भने, ‘प्रत्येक पल त्यो विदेशीले आफ्नो देश सम्झिरहोस् । प्रदेशीले यो देशलाई सम्झिरेको छ तर यो देशमा बस्ने हामीहरुले सम्झेका छौं की छैनौं ? त्यसैले हरेक पल यो माटोलाई, यो देशलाई सम्झन सकौं ।’
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । विपद्मा परेका व्यक्तिको खोज तथा उद्धार कार्यलाई प्रभावकारी बनाउन राष्ट्रिय विपद् जोखिम न्यूनीकरण तथा व्यवस्थापन प्राधिकरणले वायुसेवा सञ्चालक संघ नेपाल, नेपाल ड्रोन संघ र नेपाल एसोसिएसन अफ राफ्टिङ्ग एजेन्सिज् (नारा)सँग समझदारी पत्र (एमओयू)मा हस्ताक्षर गरेको छ।प्राधिकरणमा बुधबार आयोजित कार्यक्रममा भएको सम्झौताअनुसार वायुसेवा सञ्चालक संघले काठमाडौं उपत्यकाभित्र उद्धार उडान
लोड भइरहेको छ...
Loading brands...
