सजिलो पत्रिका
२०८२ मंसिर ०९, मङ्गलबार १४:११
काठमाडौँ
नेपाल उद्योग वाणिज्य महासंघका अध्यक्ष चन्द्रप्रसाद ढकालले सरकारबाट लगानी प्रवद्र्धन गर्ने भनेर तयार गरेका कतिपय संस्थाहरु केवल रोजगारी दिनेमा मात्रै सिमिति भएको बताएका छन् ।
मंगलबार काठमाडौंमा ११ औं राष्ट्रि उद्योग दिवसको अवसरमा आयोजित कार्यक्रममा उनले नेपाल सरकारबाट लगानी प्रवद्र्धन गर्ने भनेर तयार गरेका संस्थाहरु केवल रोजगारीसम्म मात्र सिमित रहेको भन्दै लगानी प्रवद्र्धन गर्ने हिसाबले परिणाम दिनुपर्ने संस्थाहरुले त्यो हिसाबले काम गर्न नसकेको बताए ।
उनले भने, ‘नेपाल सरकारको तर्फबाट स्थापना गरेका कतिपय संस्थाहरु कसैलाई रोजगारी दिने हिसाबले मात्र स्थापना भएको देखेका छौं । यस्तो काम हुनु हुँदैन् भन्ने कुरा म राख्न चाहन्छु । सरकारबाट लगानी प्रवद्र्धन गर्ने भनेर तयार गरेका कतिपय संस्थाहरु केवल रोजगारी पाउने र विदेश घुम्ने हिसाबको मात्रै भएको छ । यसले गर्दा साच्चिकै लगानी प्रवद्र्धन गर्ने हिसाबले परिणाम दिनुपर्ने संस्थाहरुले त्यो हिसाबले काम गर्न सकेको छैन् ।’
निजी क्षेत्रलाई प्रोत्साहन गरेर लगानी भित्राउनुपर्ने काम एकातिर रहेको भन्दै यसका लागि लगानीकर्ताहरुलाई प्रोत्साहन गर्नुपर्ने बताए ।
नेपालमा वातावरण नै छैन्, निराशा मात्रै छ भन्ने खालको कुराहरु आएको अवस्थामा निजी क्षेत्रलाई प्रोत्साहन गरेर आर्थिक कारोबार अगाडि बढाउनुपर्ने उनको भनाई छ ।
सोही क्रममा उद्योग, वाणिज्य तथा आपूर्ति मन्त्रालयका सचिव डा. रामप्रसाद घिमिरेले उद्योग क्षेत्रको योगदानलाई बढाउने सन्दर्भमा सबैले चिन्तन गर्नुपर्ने भन्दै यसमा सरकारी र निजी क्षेत्र दुवैको महत्वपूर्ण भूमिका रहने बताए ।
सरकारी पक्षले नीति एवम कानुनमा सुधार गर्ने र सेवा प्रवाह गर्ने हो भने नीजि क्षेत्रले पनि आफूलाई व्यवसायिक बनाउन र उद्यमशिलता विकास गर्न जरुरी रहेको पनि उनको भनाई छ ।
उनले भने, ‘अगामी दिनमा उद्योग क्षेत्रको योगदानलाई कसरी बढाउने भन्ने सन्दर्भमा सबैले चिन्तन मनन गरेर अगाडि जानुपर्छ । यसमा सरकारी र निजी क्षेत्रको समान महत्वपूर्ण भूमिका छ । सरकारी पक्षले सहजीकरण गर्ने नीति कानूनमा सुधार गर्ने र सेवा प्रवाह गर्ने हो भने नीजि क्षेत्रले पनि आफूलाई नीजिकरण गर्न जरुरी छ । आफूलाई व्यवसायिक बनाउन र उद्यमशिलता विकास गर्न जरुरी छ ।’
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले सोमबार पुँजी बजारका नियामक निकाय र प्रमुख लगानीकर्ताहरूसँग बजार सुधारका विषयमा विशेष छलफल गरेका छन्। छलफलका क्रममा सरोकारवालाहरूले नेपाल स्टक एक्सचेन्ज (नेप्से) लाई यथासक्य चाँडो वैदेशिक रणनीतिक साझेदारसहित निजीकरण र पुनर्संरचना गर्न सुझाव दिएका छन्।लगानीकर्ताहरूले हालको सरकारी लगानी र संरचनाका कारण आधुनिक कारोबार प्रणाली
Loading brands...
