सजिलो पत्रिका
२०८२ मंसिर ०९, मङ्गलबार ११:४६
जेनजी प्रदर्शनका क्रममा काठमाडौँस्थित महानगरीय प्रहरी कार्यालयबाट लुटिएका दुई थान पेस्तोलसहित प्रहरीले झापाको दमकबाट तीन जनालाई पक्राउ गरेको छ ।
जिल्ला प्रहरी कार्यालय झापाका अनुसार, पक्राउ पर्नेमा दमक–६ प्रशान्तिटोलका २९ वर्षीय विश्व लिङ्देन, दमक–९ का २६ वर्षीय सरोज पुरी र इलामको चुलाचुली गाउँपालिका–४ आइतबारेका ३० वर्षीय पवन हाङसुङ्वा रहेका छन् । प्रहरीले उनीहरूको साथबाट दुई थान टाइप–५४ चाइनिज पेस्तोल र २० राउण्ड गोली बरामद गरेको छ ।
लागुऔषध नियन्त्रण ब्यूरो, काँकरभिट्टा र इलाका प्रहरी कार्यालय, दमकको संयुक्त टोलीले गए राति दमक–८ मा डेरा गरी बस्ने सरोज पुरीलाई हिँडडुल गरिरहेको अवस्थामा नियन्त्रणमा लिएको थियो । उनको साथबाट एक थान पेस्तोल र १५ राउण्ड गोली बरामद भएपछि अनुसन्धान अगाडि बढाइएको थियो ।
प्रहरीको सोधपुछका क्रममा पुरीले अर्को हतियार विश्व लिङ्देनसँग रहेको बयान दिएका थिए । सोही बयानका आधारमा प्रहरीले लिङ्देनलाई उनको घरबाटै पक्राउ गर्यो । लिङ्देनले उक्त हतियार इलामका पवन हाङसुङ्वालाई २० हजार रुपैयाँमा बेचेको स्वीकार गरे ।
त्यसपछि प्रहरी टोली हाङसुङ्वाको घरमा पुगेर खानतलासी गर्दा उनको बारीमा खाल्डो खनेर रातो प्लास्टिकको झोलामा लुकाइएको अवस्थामा दोस्रो पेस्तोल फेला परेको थियो । उक्त पेस्तोलमा पाँच राउण्ड गोली लोड गरिएको अवस्थामा थियो ।
प्रहरीले हाङसुङ्वालाई पनि नियन्त्रणमा लिएको छ । बरामद गरिएका दुवै हतियार र २० राउण्ड गोलीसहित पक्राउ परेका तीनै जनालाई आवश्यक कारबाहीका लागि काठमाडौँ पठाइएको जिल्ला प्रहरी कार्यालयले जनाएको छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । अविरल वर्षाका कारण देशका विभिन्न स्थानमा बाढीपहिरोले राजमार्ग प्रभावित भएका छन् । केही सडक खण्ड पूर्ण रूपमा अवरुद्ध भएका छन् भने केहीमा राति सवारी सञ्चालनमा रोक लगाइएको छ ।नेपाल प्रहरीका अनुसार सम्भावित बाढीको जोखिमलाई दृष्टिगत गरी काभ्रेपलान्चोक र सिन्धुली जोड्ने बिपी राजमार्गअन्तर्गत खुर्कोट–नेपालथोक–कटुन्जेबेँसी सडक खण्डमा हरेक दिन बेलुका
Loading brands...
