सजिलो पत्रिका
२०८२ मंसिर ०९, मङ्गलबार ०६:३३
नेपाल सरकारका मुख्यसचिव एकनारायण अर्याल आजदेखि अनिवार्य अवकाशमा जाँदैछन्। उनको अवकाशसँगै सरकारले सोमबार सुमन अर्याललाई नयाँ मुख्यसचिवमा नियुक्त गरिसकेको छ।
विसं २०८१ भदौ १३ गते निजामती सेवाको सर्वोच्च पदमा नियुक्त भएका अर्यालले आफ्नो कार्यकालमा शासकीय मामिला, विकास व्यवस्थापन र सेवा प्रवाहमा महत्त्वपूर्ण सुधार भएको दाबी गरेका छन्। प्रधानमन्त्री तथा मन्त्रिपरिषद्को कार्यालयले पनि उनको कार्यकालमा नीतिगत र कानुनी सुधारमार्फत सार्वजनिक सेवा प्रवाह र विकास निर्माणमा सहजीकरण भएको जनाएको छ।
मुख्यसचिव अर्यालले आफ्नो कार्यकालमा जेनजी आन्दोलनको व्यवस्थापन, शान्ति र स्थायित्वका लागि विभिन्न पक्षसँगको वार्ता, सहकारी क्षेत्रको समस्या समाधानका लागि प्राधिकरण गठन, र अनावश्यक कार्यविधि खारेजी जस्ता काममा नेतृत्वदायी भूमिका खेलेको बताए।
अर्यालको कार्यकालका मुख्य कामहरू:
वित्तीय सुधार: सम्पत्ति शुद्धीकरण निवारण (ग्रेलिष्ट) बाट बच्न सुधारात्मक कार्ययोजना निर्माण र कार्यान्वयनमा पहल।
डिजिटलाइजेसन: सार्वजनिक सेवा प्रवाहमा विद्युतीय प्रणालीको प्रयोग र राष्ट्रिय परिचयपत्रलाई सबै सेवाको सुरु बिन्दु बनाउने प्रणालीको विकास।
नीतिगत सुधार: अनुपयुक्त कार्यविधि र मापदण्ड खारेजी तथा नीति प्रयोगशाला अवधारणाको विकास।
सामाजिक सुरक्षा: एकीकृत सामाजिक सुरक्षा कार्यक्रमका लागि जैविक तथ्याङ्कको प्रयोगमा प्राथमिकता।
उनको कार्यकालमा अन्तर्राष्ट्रिय सहभागितासहितको सगरमाथा संवादको सहजीकरण जस्ता महत्त्वपूर्ण कामहरू पनि भएका थिए।
यो खबर पढेर तपाईलाई कस्तो महसुस भयो ?
कुल मतदान: 0
रसुवा । नेपाल बैंक लिमिटेड धुञ्चे शाखाले सामाजिक उत्तरदायित्व कार्यक्रमअन्तर्गत पहिलोपटक दुर्गम क्षेत्रका सात विद्यालयका ९२ जना विद्यार्थीलाई पोसाक तथा शैक्षिक सामग्री वितरण गरेको छ ।दुर्गम क्षेत्रका विद्यार्थीको मनोबल बढाउने उद्देश्यले पहिलोपटक रसुवाका सामुदायिक विद्यालयका छात्रछात्रालाई पोसाक तथा शैक्षिक सामग्री हस्तान्तरण गरेको शाखा प्रबन्धक कृष्ण तामाङले जानकारी दिए ।बैंकले भीमली
लोड भइरहेको छ...
Loading brands...
