काठमाडौं । प्रधानमन्त्री बालेन्द्र शाह (बालेन)ले देशको आर्थिक विकास र समृद्धिका लागि पुँजी बजारको महत्त्वपूर्ण भूमिका रहेको बताएका छन् ।आज प्रधानमन्त्री तथा मन्त्रिपरिषद्को कार्यालयमा सरोकारवाला र नियमनकारी निकायका व्यक्तिसँग छलफल गर्दै प्रधानमन्त्री शाहले पुँजी बजारमार्फत उद्यमशीलताको विकास र रोजगारी सिर्जना गर्ने कार्य मुख्य प्राथमिकतामा रहेको बताएका हुन् ।प्रधानमन्त्री शाहले व्यवसायीलाई
क्यारियर क्रसरोड: युवामा उद्यमशीलता र नेतृत्व चेतना अभिवृद्धि
सजिलो पत्रिका
२०८२ कात्तिक १४, शुक्रबार १८:१२
15
- विराटनगरमा सिएनआईवाईईएफ कोशी र झापा टोस्टमास्टर्स क्लबले ‘क्यारियर क्रसरोड’ कार्यक्रम आयोजना गरी युवामा उद्यमशीलता र नेतृत्व चेतना अभिवृद्धि गरे।
- प्यानलिष्टहरू स्वेता बुढाथोकी, नूर श्रेष्ठ, राहुल साहेवाला र भिक्टर आइ जोसेफले आफ्ना अनुभव र सफलताको कथा साझा गर्दै युवालाई प्रेरित गरे।
- मुख्य वक्ता फनिन्द्र दाहालले युवालाई आफ्नो क्षमता पहिचान गरी प्रयोग गर्न प्रोत्साहित गर्दै आत्मविश्वास र नेतृत्व विकासमा जोड दिए।
समाचार सारांशGenerated using AI.
काठमाडौँ
विराटनगरमा हालै नेपाल उद्योग परिसंघ युवा उद्यमी मञ्च (सिएनआईवाईईएफ) कोशी र झापा टोस्टमास्टर्स क्लबले संयुक्त रूपमा ‘क्यारियर क्रसरोड’ शीर्षकमा एक विशेष कार्यक्रम सम्पन्न गरेका छन्। कार्यक्रमको मुख्य उद्देश्य युवाहरूमा उद्यमशीलता, नेतृत्व क्षमता र पेशागत विकासप्रति सचेतना अभिवृद्धि गर्नु रहेको आयोजकहरूले बताएका छन्। यसले युवा वर्गलाई आफ्ना करियर विकल्प र क्षमता पहिचान गर्न मार्गदर्शन गर्ने कार्यमा सहयोग पुर्याएको छ।
कार्यक्रममा कन्टेन्ट सिर्जनाकर्ता स्वेता बुढाथोकी, फेसन डिजाइनर नूर श्रेष्ठ, चार्टर्ड लेखापरीक्षक राहुल साहेवाला र शिक्षाविद् भिक्टर आइ जोसेफ संवादकर्ता (प्यानलिष्ट) का रूपमा सहभागी थिए। प्यानलिष्टहरूले आफ्ना जीवनका अनुभव, चुनौती र सफलता कथाहरू साझा गर्दै युवाहरूलाई आफ्ना क्षमताको मूल्यांकन गर्न र अवसरहरूको पहिचान गर्न प्रेरित गरे। उनीहरूले व्यक्तित्व विकास र व्यावसायिक मार्गनिर्देशनसम्बन्धी महत्वपूर्ण सुझावहरू प्रदान गरे।
कार्यक्रमका विशेष मुख्य वक्ता फनिन्द्र दाहालले ‘अन्तरनिहित क्षमता अनलक गर्ने’ शीर्षकमा प्रेरणादायी मन्तव्य प्रस्तुत गरे। उनले युवाहरूलाई आफ्ना क्षमता र स्रोतहरूको सदुपयोग गर्न प्रेरित गर्दै भने, ‘आफ्नो क्षमता प्रयोग गर्न सिक्नु नै सफलताको पहिलो ढोका हो’। उनका विचारले उपस्थित युवाहरूलाई आत्मविश्वास र उत्साह प्रदान गर्दै व्यक्तिगत र पेशागत लक्ष्य प्राप्तिमा मार्गदर्शन गरेको छ।
आयोजक संस्थाहरूका अनुसार यस्ता सहकार्यात्मक कार्यक्रमहरूले युवाबीच आपसी सम्बन्ध सञ्जाल (नेटवर्किङ) सुदृढ गर्न, आत्मविश्वास अभिवृद्धि गर्न र नेतृत्व विकासमा सशक्त योगदान पुर्याउँछन्। यसले युवा वर्गलाई पेशागत अवसरहरूको बारेमा सचेत बनाउने मात्र नभई उनीहरूलाई सामाजिक र व्यावसायिक जीवनमा सक्रिय र सशक्त बनाउने उद्देश्य राखेको छ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
सम्बन्धित समाचार
ट्रेन्डिङ
आगामी इभेन्ट्सहरू
लोड भइरहेको छ...
Data is loading...
Loading brands...
Loading footer...
