सजिलो पत्रिका
२०८२ असोज १६, बिहिबार १५:४३
बीपी राजमार्गमा आज (असोज १६ गते) देखि असोज २० गतेसम्म राति सवारीसाधन सञ्चालनमा रोक लगाइएको छ। व्यापक वर्षा हुने सम्भावना र त्यसबाट उत्पन्न हुन सक्ने जोखिमलाई मध्यनजर गर्दै अत्यावश्यक बाहेकका सवारीसाधन आवागमनमा रोक लगाइएको हो।
काभ्रे जिल्ला प्रशासन कार्यालयले बिहीबार एक सूचना जारी गर्दै असोज १६ गते बिहीबारदेखि असोज २१ गते मंगलबारसम्म साँझ ५ बजेदेखि बिहान ५ बजेसम्म बीपी राजमार्गको काभ्रे भञ्ज्याङ-भकुण्डेबेसी-सिन्धुली सडकखण्डमा एम्बुलेन्स र अत्यावश्यक सेवाका बाहेक सबै प्रकारका सार्वजनिक तथा निजी सवारीसाधन आवागमन निषेध गरिएको जानकारी दिएको छ।
प्रशासनले रोशी खोला र स्थानीय खहरे खोलामा बाढी आएको अवस्थामा अन्य समयमा पनि स्थानीय प्रहरी र ट्राफिक प्रहरीले जुनसुकै स्थानमा सवारीसाधनहरू रोक्न सक्ने सूचनामा उल्लेख गरेको छ। यसले यात्रुहरूलाई थप सावधानी अपनाउन आग्रह गरेको छ।
साथै, प्रशासनले पहिरोको जोखिममा रहेका तथा नदी किनारका बस्तीहरूमा उच्च सतर्कता अपनाउन सचेत गराएको छ। सुरक्षा निकायहरू, स्थानीय तहहरू, स्वयंसेवकलगायत सरोकारवाला सबै निकायलाई स्वीकृत प्रतिकार्य योजनाअनुरूप तयारी अवस्थामा रहन पनि सूचनामा भनिएको छ। यो निर्णयले सम्भावित प्राकृतिक विपत्तिबाट हुने क्षतिलाई न्यूनीकरण गर्ने लक्ष्य राखेको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौँ । अविरल वर्षाका कारण देशका विभिन्न स्थानमा बाढीपहिरोले राजमार्ग प्रभावित भएका छन् । केही सडक खण्ड पूर्ण रूपमा अवरुद्ध भएका छन् भने केहीमा राति सवारी सञ्चालनमा रोक लगाइएको छ ।नेपाल प्रहरीका अनुसार सम्भावित बाढीको जोखिमलाई दृष्टिगत गरी काभ्रेपलान्चोक र सिन्धुली जोड्ने बिपी राजमार्गअन्तर्गत खुर्कोट–नेपालथोक–कटुन्जेबेँसी सडक खण्डमा हरेक दिन बेलुका
Loading brands...
