सजिलो पत्रिका
२०८२ असोज ०१, बुधबार ०८:५७
वैदेशिक रोजगारीका प्रमुख गन्तव्यमध्ये एक मानिने संयुक्त अरब इमिरेट्स (यूएई) ले नेपाली कामदारका लागि नयाँ भिसा बन्द गरेको छ । यूएईले सोमबारदेखि नेपाली नागरिकका लागि वर्किङ भिसा मात्र नभई भिजिट भिसा पनि रोक्ने निर्णय गरेको हो ।
नेपालमा हालै भएको ‘जेनजी’ आन्दोलनका क्रममा भएको तोडफोड, आगजनी, लुटपाट र कैदी पलायनजस्ता सुरक्षाजन्य घटनाहरूको प्रभावका कारण यूएईले यो अस्थायी रोक लगाएको बताइएको छ । यस निर्णयले वैदेशिक रोजगारीमा निर्भर लाखौं नेपाली युवामा ठूलो निराशा छाएको छ ।
दुबईस्थित विभिन्न कम्पनीहरूले भिसा आवेदन दिन नसकिएको र पहिले स्वीकृत भएका भिसासमेत रद्द हुन थालेको जानकारी दिएका छन् । यसले यूएईमा रोजगारीको खोजीमा रहेका नेपालीहरूलाई प्रत्यक्ष असर पर्ने देखिएको छ ।
यसैबीच, दक्षिण कोरियाले पनि ई–७ भिसामार्फत सीपयुक्त नेपाली श्रमिक लिन नसक्ने भएको छ । यसले गर्दा नेपाली श्रमिकका लागि वैदेशिक रोजगारीका अवसरहरू थप संकुचित भएका छन् । यूएई र दक्षिण कोरियाजस्ता प्रमुख गन्तव्यहरूमा भिसा प्रक्रियामा आएको यो अवरोधले नेपालको अर्थतन्त्रमा समेत नकारात्मक प्रभाव पार्ने चिन्ता बढेको छ ।
यो खबर पढेर तपाईलाई कस्तो महसुस भयो ?
कुल मतदान: 0
एजेन्सी । अमेरिकाले इरानविरुद्धको सैन्य अभियानलाई थप तीव्र बनाउँदै लगातार चौथो दिन मंगलबार पनि विभिन्न स्थानमा आक्रमण गरेको छ । साथै, इरानी बन्दरगाहतर्फ आउने-जाने जहाजहरू रोक्ने उद्देश्यसहित नौसैनिक नाकाबन्दी पुनः लागू गरेपछि वासिङ्टन र तेहरानबीचको तनाव थप चुलिएको छ । इरानी पक्षले यस कदमले युद्धविराम तथा शान्ति वार्ताका लागि भएको
लोड भइरहेको छ...
Loading brands...
