सजिलो पत्रिका
२०८२ भदौ २४, मङ्गलबार ०६:५५
काठमाडौँ ।
नेपाल सरकारले सामाजिक सञ्जालमाथि लगाइएको प्रतिबन्ध हटाउने निर्णय गरेको छ। सोमबार बसेको मन्त्रिपरिषद् बैठकले यो निर्णय गरेको सूचना तथा सञ्चार प्रविधि मन्त्री पृथ्वी सुब्बा गुरुङले जानकारी दिए। यससँगै सामाजिक सञ्जालहरू पुनः सञ्चालनमा आएका छन्।
मन्त्री गुरुङले सामाजिक सञ्जाल बन्द गर्ने निर्णयप्रति सरकारले कुनै पश्चाताप नगरेको बताए। उनले भने, "सामाजिक सञ्जाल बन्द गर्ने निर्णयको बहानामा आन्दोलन भयो, जसका कारण हामीले प्रतिबन्ध हटाउने निर्णय गर्नुपर्यो।"
मन्त्रिपरिषद् बैठकमा प्रधानमन्त्री खड्गप्रसाद शर्मा ओलीले सामाजिक सञ्जाल एक्स (पहिले ट्विटर) ले नेपालको राष्ट्रिय स्वाभिमानको कदर नगरेको भन्दै आलोचना गरे। प्रधानमन्त्री ओलीका अनुसार, एक्सले नेपालमा दर्ता नगर्ने र यहाँको कानुन नमान्ने अडान लिएको थियो। "हामीले डेढ वर्षदेखि सामाजिक सञ्जाललाई नेपालमा दर्ता गर्न र यहाँको कानुन पालना गर्न भनिरहेका थियौं। तर, एक्सले हामीलाई हेप्ने र राष्ट्रको अपमान गर्ने जवाफ दियो," प्रधानमन्त्री ओलीले भने।
सामाजिक सञ्जालमाथिको प्रतिबन्धविरुद्ध जेनजी पुस्ताले गरेको प्रदर्शनका क्रममा काठमाडौँमा १७ र इटहरीमा २ जनाले ज्यान गुमाएका थिए। चर्को विरोध र सत्तारुढ दलभित्रैबाट आएको दबाबका कारण सरकार अन्ततः आफ्नो निर्णयबाट पछि हट्न बाध्य भएको हो। सञ्चार तथा सूचना प्रविधि मन्त्रालयले गत भदौ १९ गते मन्त्रीस्तरीय निर्णयमार्फत सामाजिक सञ्जाल बन्द गर्ने निर्णय गरेको थियो।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाल प्रहरीका महानिरीक्षक (आईजीपी) दान बहादुर कार्कीले सीमापार अपराध नियन्त्रणका लागि अन्तर्राष्ट्रिय सहयोग, सूचना आदान–प्रदान र प्रहरी संगठनबीचको साझेदारीलाई अझ सुदृढ बनाउनुपर्नेमा जोड दिएका छन्। संयुक्त राष्ट्रसंघको मुख्यालय न्यूयोर्कमा आयोजित पाँचौं संयुक्त राष्ट्रसंघीय प्रहरी प्रमुखहरूको शिखर सम्मेलन (युएनसीओपिएस) मा नेपालको प्रतिनिधित्व गरेर स्वदेश फर्किएपछि सामाजिक सञ्जालमार्फत उनले सम्मेलनमा
लोड भइरहेको छ...
Loading brands...
