सजिलो पत्रिका
२०८२ भदौ १७, मङ्गलबार १४:४७
विज्ञप्तिमा भनिएको छ, “प्रारम्भिक जानकारीअनुसार गाउँका सम्पूर्ण बासिन्दाको मृत्यु भएको छ, जसको संख्या एक हजारभन्दा बढी रहेको अनुमान छ ।
एक जनामात्र जीवित भेटिएका छन् ।”
काठमाडौँ। सुडानको पश्चिमी डारफर क्षेत्रमा गएको पहिरोले एउटा गाउँ नै बगाएको छ । उक्त पहिरोमा परेर एक हजार जनाभन्दा बढी मानिसको मृत्यु भएको छ ।
सुडानलिबरेसन मुभमेन्ट–आर्मीले विज्ञप्ति जारी गर्दै यो घटना मध्य डारफरको मार्राह माउन्टेन्समा रहेको तारासिन गाउँमा आइतबार भएको जनाएको छ । अगस्टको अन्तिम सातामा भएको भारी वर्षापछि यो विपत्ति आएको हो ।
अफ्रिकी देशमा आएको हालसम्मको सबैभन्दा ठूलो प्राकृतिक विपत्तिमध्ये एक मानिएको समाचार संस्था एपीले जनाएको छ ।
विज्ञप्तिमा भनिएको छ, “प्रारम्भिक जानकारीअनुसार गाउँका सम्पूर्ण बासिन्दाको मृत्यु भएको छ, जसको संख्या एक हजारभन्दा बढी रहेको अनुमान छ । एक जनामात्र जीवित भेटिएका छन् ।”
सुडान लिबरेसन मुभमेन्ट–आर्मीले गाउँ पूर्णरूपमा ध्वस्त भएको बताउँदै शवहरू निकाल्नका लागि संयुक्त राष्ट्र संघ (यूएन) र अन्तर्राष्ट्रिय सहायता समूहहरूसँग सहयोगको लागि अपिल गरेको छ ।
मार्राह माउन्टेन्सका समाचारमाध्यमले सार्वजनिक गरेको भिडियो फुटेजमा पहाडी शृंखलाहरूबीचको एक समतल क्षेत्र देखाइएको छ, जहाँ मानिसहरूको एउटा समूहले खोजी गरिरहेको देखिन्छ । सन् २०२३ को अप्रिलमा सुडानमा सेना र अर्धसैनिक र्यापिड सपोर्ट फोर्सेस (आरएसएफ)बीचको तनाव राजधानी खार्तुम र देशका अन्य भागहरूमा खुला युद्धमा परिणत भएपछि विनाशकारी गृहयुद्ध चलिरहेको छ ।
यस द्वन्द्वग्रस्त डारफर क्षेत्रको अधिकांश भागमा सुडानको सेना र आरएसएफबीचको लडाइँ र कडा प्रतिबन्धका कारण संयुक्त राष्ट्र संघ र सहायता समूहहरूका लागि पहुँच पुर्याउन असम्भव बनेको समाचारमा उल्लेख छ । एपी
यो खबर पढेर तपाईलाई कस्तो महसुस भयो ?
कुल मतदान: 0
एजेन्सी । अमेरिकाले इरानविरुद्धको सैन्य अभियानलाई थप तीव्र बनाउँदै लगातार चौथो दिन मंगलबार पनि विभिन्न स्थानमा आक्रमण गरेको छ । साथै, इरानी बन्दरगाहतर्फ आउने-जाने जहाजहरू रोक्ने उद्देश्यसहित नौसैनिक नाकाबन्दी पुनः लागू गरेपछि वासिङ्टन र तेहरानबीचको तनाव थप चुलिएको छ । इरानी पक्षले यस कदमले युद्धविराम तथा शान्ति वार्ताका लागि भएको
लोड भइरहेको छ...
Loading brands...
