सजिलो पत्रिका
२०८२ भदौ १५, आइतबार ०७:०७
काठमाडौँ ।
राष्ट्रपति रामचन्द्र पौडेलले गौरा पर्व २०८२ को अवसरमा सम्पूर्ण नेपालीमा आपसी समझदारी, सद्भाव, दिगो शान्ति र भाइचाराको भावना अभिवृद्धि होस् भन्ने शुभकामना व्यक्त गरेका छन्। गौरापर्वको शुभकामना सन्देश जारी गर्दै राष्ट्रपति पौडेलले यस्ता मौलिक पर्वहरूले नेपाली समाजमा सामाजिक, सांस्कृतिक ऐक्यबद्धता र सहिष्णुता अभिवृद्धि गर्न मद्दत गर्ने बताएका छन्। उनले गौरापर्वले पारिवारिक सम्बन्धलाई अझ मजबुत पार्दै राष्ट्रिय एकता सुदृढ गर्न योगदान पुर्याउने उल्लेख गरेका छन्।
राष्ट्रपति पौडेलले गौरापर्वले भौगोलिक, धार्मिक, सांस्कृतिक आस्था र आपसी सद्भावलाई प्रगाढ बनाउने कार्यमा विशेष भूमिका खेलेको स्मरण गराए। भाद्र शुक्ल पञ्चमीदेखि अष्टमीसम्म विशेषगरी नेपालका पश्चिमी भूभागमा धुमधामले मनाइने यस पर्वमा शिव र पार्वतीको पूजा तथा व्रत गरिन्छ।
यस अवसरमा पाँच वा सोभन्दा बढी प्रकारका अन्नबाट बनेको 'बिरुडा' अर्पण गरिन्छ, जसलाई प्रसादका रूपमा ग्रहण गरिन्छ। यसले कृषि संस्कृति र पारिवारिक समृद्धिको कामना गर्ने परम्परा रहेको जनाइएको छ।
राष्ट्रपति पौडेलले भने, “गौरापर्वका अवसरमा स्थानीयहरू गोलबद्ध भई देउडा, धमारी, चैत आदि लोकभाषाका माध्यमबाट सुख-दुःख बाँड्छन्। यस पर्वले बिछोडिएका जोडीको मिलन, आपसी भाइचाराको वृद्धि र पतिपत्नीबीचको सम्बन्ध प्रगाढ बनाउने विश्वास रहिआएको छ।”
उनले यस्ता सांस्कृतिक पर्वहरूले विविधतामा एकता ल्याउने, नेपाली संस्कृतिको संरक्षण गर्ने र मानवीय जीवनको सुख, शान्तिमा टेवा पुर्याउने उल्लेख गर्दै सम्पूर्ण नेपाली दिदीबहिनी तथा दाजुभाइहरूमा सुख, शान्ति र समृद्धिको शुभकामना व्यक्त गरेका छन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । झापाका विभिन्न विद्यालय तथा क्याम्पसका २०० विद्यार्थीलाई लक्षित गर्दै विपद् व्यवस्थापन तथा सर्पदंश रोकथामसम्बन्धी प्रदर्शन एवं सचेतना कार्यक्रम सम्पन्न भएको छ । अन्तरराष्ट्रिय झापाली समाजको सहयोग तथा एनसिसी अलुम्नी एसोसिएसन झापाको समन्वयमा चारआलीस्थित अरिदमन गण ब्यारेकमा कार्यक्रम आयोजना गरिएको हो ।कार्यक्रममा नेपाली सेना तथा एनसिसी अलुम्नी एसोसिएसनका प्रतिनिधिहरूले
Loading brands...
