साइबर कसुरमा पक्राउ परेकी टिकटकर रमा बस्नेत ३० हजार धरौटीमा रिहा

काठमाडौँ। 

टिकटकर रमा बस्नेत साइबर कसुरमा पक्राउ परेपछि ३० हजार रुपैयाँ धरौटीमा रिहा भएकी छन्।

 काठमाडौं जिल्ला अदालतले बस्नेतलाई ३० हजार रुपैयाँ लिएर धरौटीमा छाड्ने आदेश दिएको हो । खोटाङको हलेसी तुवाचुङ नगरपालिका–६ की बस्नेतलाई साइबर ब्युरोको टोलीले असार १ गते भक्तपुरबाट पक्राउ गरेको थियो ।

उनीमाथि नियोजित रूपमा जातीय एवं साम्प्रदायिक भावनामा खलल पुर्‍याउने साथै प्रतिष्ठित व्यक्तिको चरित्र हत्या गर्ने खालका तथ्यहिन विषय उठाउने गरेको आरोप लागेको थियो ।

सोही कसुरमा बस्नेतलाई ब्युरोको टोलीले पक्राउ गरेर विद्युतीय कारोबार ऐनको कसुरमा अनुसन्धान गरेको थियो ।