सजिलो पत्रिका
२०८३ जेठ ०२, शनिबार ११:४५
काठमाडौँ
किराँत राई समुदायको प्रमुख सांस्कृतिक पर्व साकेला उभौली प्रकृतिको पूजा आराधना गर्दै विधिवत रूपमा समापन गरिएको छ। वैशाख शुक्ल पूर्णिमादेखि सुरु भएको यो पर्व करिब एक महिनासम्म देशका विभिन्न स्थानमा उत्साहपूर्वक मनाइएको थियो।
धरान उपमहानगरपालिका–१७ स्थित साकेला पार्कमा आयोजित विशेष कार्यक्रममा ढोल, झ्याम्टा र च्याम्बरको तालमा साकेला सिली नाच प्रस्तुत गर्दै पर्वको समापन गरिएको हो। कार्यक्रममा सहभागीहरू परम्परागत भेषभूषामा सजिएर प्रकृति र पुर्खाप्रति श्रद्धा प्रकट गर्दै नृत्यमा सहभागी भएका थिए।
उभौली पर्वलाई किराँत समुदायले खेतीपाती राम्रो होस्, मौसम अनुकूल रहोस् र जीवनमा समृद्धि आओस् भन्ने कामनासहित प्रकृतिको आराधना गर्ने अवसरका रूपमा मनाउँदै आएका छन्। पर्वका क्रममा भूमेस्थानमा पूजा आराधना गरी साकेला नृत्य प्रदर्शन गर्ने परम्परा रहेको छ।
सांस्कृतिक कार्यक्रममा सहभागी युवायुवतीहरूले ढोल झ्याम्टाको तालमा पशुपक्षी र प्रकृतिका विभिन्न गतिविधिको नक्कल गर्दै नृत्य प्रस्तुत गरेका थिए। स्थानीय कलाकार तथा प्रशिक्षकहरूले साकेला नाचलाई नयाँ पुस्तामा हस्तान्तरण गर्न यस्ता कार्यक्रम महत्वपूर्ण रहेको बताएका छन्।
किराँत समुदायका अनुसार उभौली पर्व केवल धार्मिक आस्था मात्र नभई प्रकृति, पुर्खा र सामूहिक जीवनशैलीसँग जोडिएको सांस्कृतिक पहिचान पनि हो। यो पर्व देशका विभिन्न किराँत बस्तीहरूमा उत्सवका रूपमा मनाउने चलन बढ्दै गएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । देशभर मनसुन वायुको प्रभाव कायम रहँदा आगामी दुई दिन केही प्रदेशका पहाडी तथा तराई क्षेत्रमा भारीदेखि अति भारी वर्षाको सम्भावना रहेको भन्दै जल तथा मौसम पूर्वानुमान महाशाखाले सतर्कता अपनाउन आग्रह गरेको छ ।महाशाखाका अनुसार हाल मनसुनको न्यून चापीय रेखा पश्चिममा सरदर स्थानभन्दा केही माथि र पूर्वमा नेपालको तराई
Loading brands...
