सजिलो पत्रिका
२०८३ जेठ ०१, शुक्रबार १५:२४
काठमाडौँ
चितवनको इच्छाकामना गाउँपालिका–१ कुलबाङमा जङ्गली च्याउ खाँदा एक बालिकाको मृत्यु भएको छ भने दुई जना गम्भीर बिरामी परेका छन्। च्याउ सेवनका कारण ६ वर्षीया नमुना चेपाङको आज बिहान घरमै मृत्यु भएको हो।
उनी हात्तीबाङस्थित राष्ट्रिय माध्यमिक विद्यालयमा कक्षा २ मा अध्ययनरत थिइन्। च्याउ खाएर बिरामी परेकी नमुनाको मृत्यु भएपछि मात्रै घटनाबारे स्थानीयलाई जानकारी भएको थियो। उनका दाजु सजन चेपाङ र दिदी मनिता चेपाङ पनि सोही च्याउ खाएर बिरामी परेका हुन् र दुवैलाई उपचारका लागि भरतपुर अस्पताल लगिएको छ।
गत मङ्गलबार उनीहरूले घरमै जङ्गली च्याउ खाएको र त्यसपछि बिरामी परे पनि परिवारले समयमै उपचार गराउन सकेका थिएनन्। घटनापछि स्थानीयवासीको सहयोगमा दुवै बिरामीलाई अस्पताल पुर्याइएको हो। मनिताको अवस्था गम्भीर रहेको र उनलाई भेन्टिलेटरमा राखेर उपचार भइरहेको अस्पतालले जनाएको छ।
भरतपुर अस्पतालका वरिष्ठ फिजिसियन डा. प्रमोद पौडेलका अनुसार जङ्गली च्याउमा पाइने विषले कलेजो, मिर्गौला र मस्तिष्कमा गम्भीर असर पुर्याउने भएकाले यस्ता घटना प्राणघातक बन्न सक्छन्। बिरामीका बुबाआमालाई पनि लक्षण देखिन सक्ने भएकाले अस्पतालमा ल्याउन आग्रह गरिएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाल प्रहरीका महानिरीक्षक (आईजीपी) दान बहादुर कार्कीले सीमापार अपराध नियन्त्रणका लागि अन्तर्राष्ट्रिय सहयोग, सूचना आदान–प्रदान र प्रहरी संगठनबीचको साझेदारीलाई अझ सुदृढ बनाउनुपर्नेमा जोड दिएका छन्। संयुक्त राष्ट्रसंघको मुख्यालय न्यूयोर्कमा आयोजित पाँचौं संयुक्त राष्ट्रसंघीय प्रहरी प्रमुखहरूको शिखर सम्मेलन (युएनसीओपिएस) मा नेपालको प्रतिनिधित्व गरेर स्वदेश फर्किएपछि सामाजिक सञ्जालमार्फत उनले सम्मेलनमा
लोड भइरहेको छ...
Loading brands...
