नेपाली कांग्रेस आधिकारिकता विवाद : सर्वोच्चमा आज पनि सुनुवाइ जारी

सजिलो पत्रिका

२०८३ वैशाख ०४, शुक्रबार ११:२८

नेपाली कांग्रेस को आधिकारिकता विवादसम्बन्धी रिटमा सर्वोच्च अदालत मा आज पनि सुनुवाइ जारी छ।
शेरबहादुर देउवा पक्षले निर्वाचन आयोगले गगन थापा नेतृत्वलाई दिएको आधिकारिकता चुनौती दिएको छ।
आज गगन थापा र विश्वप्रकाश शर्मा पक्षबाट प्रतिरक्षा बहस हुँदैछ।

समाचार सारांशGenerated using AI.

काठमाडौँ

नेपाली काँग्रेसको आधिकारिकता विवादसँग सम्बन्धित रिटमाथि आज पनि सर्वोच्च अदालतमा निरन्तर सुनुवाइ हुँदैछ। बिहीबार सुनुवाइ नसकिएपछि मुद्दालाई ‘हेर्दाहेर्दै’मा राखेर आजका लागि पुनः पेसी तोकिएको हो।

उक्त रिटमाथि न्यायाधीशद्वय शारङ्गा सुवेदी र नृपध्वज निरौला को संयुक्त इजलासमा सुनुवाइ भइरहेको छ। यसअघि शेरबहादुर देउवा पक्ष तथा निर्वाचन आयोगका तर्फबाट सरकारी वकिलले बहस गरिसकेका छन् भने आज विपक्षी बनाइएका सभापति गगन थापा र उपसभापति विश्वप्रकाश शर्मा को पक्षबाट प्रतिरक्षा बहस हुने छ।

निर्वाचन आयोगले गगन थापा नेतृत्वलाई पार्टीको आधिकारिकता दिएको निर्णयविरुद्ध देउवा समूहले रिट दायर गरेको हो। यसअघि सर्वोच्च अदालतले अन्तरिम आदेश दिन अस्वीकार गर्दै सम्बन्धित पक्षहरूलाई लिखित जवाफ पेश गर्न आदेश दिएको थियो।

निर्वाचन आयोग, पार्टी कार्यालय तथा गगन थापा पक्षबाट लिखित जवाफ पेश भइसकेपछि मुद्दा सुनुवाइमा प्रवेश गरेको हो। विशेष महाधिवेशनमार्फत नयाँ कार्यसमिति चयन गरिएपछि कांग्रेसभित्र आधिकारिकताको विवाद उत्पन्न भएको हो।

उक्त रिट तत्कालीन कार्यवाहक सभापति पूर्ण बहादुर खड्का मार्फत दर्ता गरिएको हो। रिटमा निर्वाचन आयोगको निर्णय बदर गर्न र नयाँ कार्यसमिति अवैधानिक भएको भन्दै भंग गर्न माग गरिएको छ।

देउवा पक्षले भने नियमित महाधिवेशनको मिति तय भइसकेको अवस्थामा विशेष महाधिवेशन आवश्यक नरहेको तर्क गर्दै आएको छ।

यो समाचारमा

निर्वाचन आयोग5 more

ट्यागहरू

#गगन थापा #पूर्णबहादुर खड्का #नेपाली कांग्रेस #सर्वोच्च अदालत #निर्वाचन आयोग

यो खबर पढेर तपाईलाई कस्तो महसुस भयो ?

कुल मतदान: 0

सम्बन्धित समाचार

बाँकेमा १३ करोड ६१ लाखका सामान बरामद

काठमाडौं । बाँकेको जमुनाह नाकाबाट सशस्त्र प्रहरी बलले गत आर्थिक वर्षमा रु. १३ करोड ६१ लाख ३१ हजार ६९८ बराबरका अवैध रूपमा नेपाल भित्र्याइएका सामान बरामद गरेको छ । सशस्त्र प्रहरी बल ३० नं, गण बागेश्वरी हेडक्वार्टर, बाँकेका सूचना अधिकारी सशस्त्र प्रहरी नायब उपरीक्षक मोहन विष्टका अनुसार आर्थिक वर्ष २०८२/०८३