प्रियंका दुतराज
२०८२ फागुन २७, बुधबार १९:००
फागुन २३ गतेको त्यो बिहान १६ वर्षीया इनिसा विकका लागि अरू दिनजस्तै सामान्य थियो। सुर्खेत, वीरेन्द्रनगरमा कक्षा ११ मा अध्ययनरत उनी बिहानै ६ बजे घरबाट निस्किएकी थिइन्। निस्कने बेला उनले आमालाई आग्रह गरेकी थिइन्— "ममी, म ट्युसन गएर आउँछु, खाना पकाएर राखिदिनु ल!" तर, कसैले सोचेको थिएन कि त्यो उनको घरबाट अन्तिम बिदाइ हुनेछ र आमाको हातको खाना खान उनी कहिल्यै फर्कने छैनन्।
९ बजेसम्म पनि छोरी घर नफर्किएपछि आमाको मन आत्तिन थाल्यो। हतार-हतार फोन गर्दा इनिसाको मोबाइल 'स्विच अफ' थियो। आमाको छटपटी बढ्दै गर्दा एउटा अपरिचित नम्बरबाट फोन आयो। फोनमा दिइएको त्यो एउटै जानकारीले परिवारको खुसी सधैँका लागि खोसिदियो र आमालाई 'जिउँदो लास' जस्तै बनाइदियो।
इनिसा सहिद पार्क नजिकैको जङ्गलमा रक्ताम्मे र बेहोस अवस्थामा फेला परेकी थिइन्। "दैव! बाँच्ने आशा बोकेकी मेरी नानीलाई कसले यो गति बनाइदियो? उठ न नानी!" भन्दै आमाको चित्कारले वन नै गुञ्जियो। केही आशाका साथ उनलाई तुरुन्तै अस्पताल पुर्याइयो, तर धेरै ढिलो भइसकेको थियो। चिकित्सकले उनलाई 'मृत' घोषणा गरिदिए।
इनिसाको पारिवारिक कथा झनै हृदयविदारक छ। ६ वर्षअघि मात्रै दाइ गुमाएको यो परिवारका बुबा रोजगारीका लागि दुबईमा छन्। घरको एउटा खम्बा (छोरा) ढलेपछि बाँकी रहेकी एक्ली छोरीको पनि यस्तो बीभत्स अन्त्यले परिवारमा ठूलो बज्रपात परेको छ। घटनास्थलको प्रकृति हेरेर परिवारले 'सामूहिक बलात्कारपछि हत्या' भएको दाबी गर्दै प्रहरीमा जाहेरी दिएका छन्।
प्रहरीले घटनामा संलग्न भएको शङ्कामा चार जना किशोरहरूलाई नियन्त्रणमा लिएको छ। तर, पक्राउ परेकाहरू नाबालक भएको र उनीहरूले कानुनी छिद्रबाट उन्मुक्ति पाउन सक्ने आशङ्काले जनआक्रोश चुलिएको छ। अहिले सुर्खेतका सडकदेखि काठमाडौँको माइतीघरसम्म एउटै आवाज गुञ्जिरहेको छ— "इनिसालाई न्याय दे!"
मानवअधिकारकर्मी र दलित समुदायले यसलाई अमानवीय र निन्दनीय भन्दै निष्पक्ष छानबिनको माग गरेका छन्। एउटी किशोरीको सुन्दर सपना जङ्गलको झाडीमा कसरी निभ्यो? यो प्रश्नको जवाफ अहिले सिङ्गो समाजले खोजिरहेको छ। इनिसाको मृत्यु केवल एउटा परिवारको क्षति मात्र होइन, यो हाम्रो समाजमा छोरीहरूको सुरक्षामाथि उठेको एउटा गम्भीर र डरलाग्दो प्रश्न पनि हो।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाल प्रहरीका महानिरीक्षक (आईजीपी) दान बहादुर कार्कीले सीमापार अपराध नियन्त्रणका लागि अन्तर्राष्ट्रिय सहयोग, सूचना आदान–प्रदान र प्रहरी संगठनबीचको साझेदारीलाई अझ सुदृढ बनाउनुपर्नेमा जोड दिएका छन्। संयुक्त राष्ट्रसंघको मुख्यालय न्यूयोर्कमा आयोजित पाँचौं संयुक्त राष्ट्रसंघीय प्रहरी प्रमुखहरूको शिखर सम्मेलन (युएनसीओपिएस) मा नेपालको प्रतिनिधित्व गरेर स्वदेश फर्किएपछि सामाजिक सञ्जालमार्फत उनले सम्मेलनमा
लोड भइरहेको छ...
Loading brands...
