सजिलो पत्रिका
२०८२ पुस १४, सोमबार १६:४४
काठमाडौँ
मेक्सिकोको दक्षिण–पूर्वी ओअक्साका क्षेत्रमा ट्रेन दुर्घटना हुँदा कम्तीमा १३ जनाको मृत्यु भएको र करिब १०० जना घाइते भएका छन् । मेक्सिकन नेभीका अनुसार दुर्घटनामा परेको ट्रेन गल्फ अफ मेक्सिको र प्रशान्त महासागरलाई जोड्ने मार्गमा यात्रामा थियो र यसमा २४१ जना यात्रु र ९ जना चालक दलका सदस्य सवार थिए । घाइतेमध्ये ३६ जनालाई अस्पतालमा उपचार भइरहेको छ ।
अधिकारिहरूका अनुसार ट्रेन निजान्डा शहर नजिकको मोडमा रेलबाट छुटेर दुर्घटनाग्रस्त भएको थियो । राष्ट्रपति क्लाउडिया शाइनबाउमले घाइतेमध्ये पाँच जनाको अवस्था गम्भीर रहेको उल्लेख गर्दै दुर्घटना स्थलमा उच्च अधिकारीहरू सहित नेभी सचिव पनि पुगेको जानकारी दिइन् । दुर्घटना स्थलका तस्बिरहरूले रेलको केही भाग र तलको चट्टानतर्फ ढलेको देखाएको छ ।
यो इन्टरओसियनिक ट्रेन प्रशान्त तटको सालिना क्रुज बन्दरगाह र गल्फ कोस्टको कोएत्जाकोलकसलाई जोड्छ । ओअक्साका राज्यपाल सालोमोन जारा क्रुजले दुर्घटनाप्रति गहिरो दुःख व्यक्त गर्दै राज्य र संघीय निकायहरू घाइतेहरूको सहयोगमा समन्वय गर्दै काम गरिरहेका बताए । यो रेल परियोजना दुई वर्षअघि उद्घाटन गरिएको थियो र दक्षिणी मेक्सिकोको आर्थिक विकास बढाउने उद्देश्यका साथ सञ्चालनमा आएको हो ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । अमेरिकी सिनेटर लिन्डसे ग्राहमको निधनपछि इरानका सरकारनिकट सञ्चारमाध्यमहरूले अमेरिकी राष्ट्रपति डोनाल्ड जोन ट्रम्प र इजरायली प्रधानमन्त्री बेंजामिन नेतान्याहूलाई लक्षित गर्दै कडा धम्की दिएका छन्। इरानी दैनिक 'हामसहरी' ले आफ्नो पहिलो पृष्ठमा 'आकस्मिक मृत्युका लागि तयार हुनुहोस्' शीर्षकमा ट्रम्प, नेतन्याहु र अमेरिकी रक्षामन्त्रीको तस्बिरसहितको सामग्री प्रकाशन गरेको छ।अर्को पत्रिका
लोड भइरहेको छ...
Loading brands...
