सजिलो पत्रिका
२०८२ मंसिर २५, बिहिबार ०९:२३
आज डिसेम्बर ११, विश्व इतिहासमा यो दिन विभिन्न महत्वपूर्ण घटनाहरूले भरिएको छ । जलवायु परिवर्तनसम्बन्धी ऐतिहासिक सम्झौतादेखि बालबालिकाको क्षेत्रमा काम गर्ने विश्वव्यापी संस्थाको स्थापनासम्मका घटना आजकै दिन भएका थिए । प्रस्तुत छ, इतिहासका पन्नामा आज भएका केही प्रमुख घटनाहरू:
सन् १९९७: क्योटो प्रोटोकल ग्रहण
आजकै दिन जलवायु परिवर्तनसम्बन्धी संयुक्त राष्ट्रसंघको फ्रेमवर्क कन्भेन्सनले 'क्योटो प्रोटोकल' लाई ग्रहण गरेको थियो । यो ऐतिहासिक अन्तर्राष्ट्रिय सन्धिमा हस्ताक्षर गर्ने राष्ट्रहरूले हरितगृह ग्यास उत्सर्जन कटौती गर्न प्रतिबद्धता जनाएका थिए ।
सन् १९४६: युनिसेफको स्थापना
विश्वभरका बालबालिकाको कल्याणका लागि काम गर्ने संयुक्त राष्ट्रसंघीय बालबालिका कोष (युनिसेफ) को स्थापना आजकै दिन भएको थियो । दोस्रो विश्वयुद्धपछिको अवस्थामा बालबालिकालाई मानवीय सहायता प्रदान गर्ने उद्देश्यले यो संस्था स्थापना गरिएको थियो ।
सन् १९९८: बिल क्लिन्टनमाथि महाभियोग सिफारिस
ह्वाइटहाउसकी कर्मचारी मोनिका लेवेन्स्कीसँगको यौन सम्बन्धको विषयलाई लिएर तत्कालीन अमेरिकी राष्ट्रपति बिल क्लिन्टनमाथि आजकै दिन महाभियोग सिफारिस गरिएको थियो । अमेरिकी संसदको तल्लो सदनले उनीविरुद्ध तीनवटा आरोपमा महाभियोगको प्रक्रिया अघि बढाएको थियो ।
सन् १९९४: चेचेन्यामाथि रुसको आक्रमण
रुसले आजकै दिन चेचेन्यामाथि सैन्य आक्रमण सुरु गरेको थियो । विद्रोही चेचेन सरकारलाई सत्ताबाट हटाउने उद्देश्यले यो आक्रमण गरिएको थियो, जसले पहिलो चेचेन युद्धको सुरुवात गर्यो ।
सन् २००८: अमेरिकी इतिहासकै ठूलो ठगी काण्डका नाइके पक्राउ
अमेरिकी इतिहासकै सबैभन्दा ठूलो 'पोन्जी स्किम' चलाएर अर्बौं डलर ठगी गर्ने बर्नार्ड 'बर्नी' म्याडोफ आजकै दिन पक्राउ परेका थिए । उनी ठगीमा दोषी ठहर भई जेल चलान भएका थिए ।
अन्य महत्वपूर्ण घटना:
२०१४: दक्षिण अफ्रिकाका चिकित्सकहरूले विश्वमै पहिलो पटक सफल लिंग प्रत्यारोपण गरे ।
२०१७: साउदी अरेबियाले ३५ वर्षदेखि सिनेमा हलमा लगाएको प्रतिबन्ध हटायो ।
२०१९: इन्डोनेसियाको एक गुफामा ४३,९०० वर्ष पुरानो कलाकृति (आर्टवर्क) फेला पर्यो, जसलाई संसारकै पुरानो मानिन्छ ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । नेपाल प्रहरीका महानिरीक्षक (आईजीपी) दान बहादुर कार्कीले सीमापार अपराध नियन्त्रणका लागि अन्तर्राष्ट्रिय सहयोग, सूचना आदान–प्रदान र प्रहरी संगठनबीचको साझेदारीलाई अझ सुदृढ बनाउनुपर्नेमा जोड दिएका छन्। संयुक्त राष्ट्रसंघको मुख्यालय न्यूयोर्कमा आयोजित पाँचौं संयुक्त राष्ट्रसंघीय प्रहरी प्रमुखहरूको शिखर सम्मेलन (युएनसीओपिएस) मा नेपालको प्रतिनिधित्व गरेर स्वदेश फर्किएपछि सामाजिक सञ्जालमार्फत उनले सम्मेलनमा
लोड भइरहेको छ...
Loading brands...
