काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
लन्डनमा डी.डी.एल.जे. को ३० वर्षगाँठमा शाहरुख–काजोलको प्रतिमा अनावरण
सजिलो पत्रिका
२०८२ मंसिर १९, शुक्रबार ०७:३६
34
- शाहरुख खान र काजोलले दिलवाले दुल्हनिया ले जायेंगेको ३०औँ वर्षगाँठका अवसरमा लन्डनको लेस्टर स्क्वायरमा राज–सिमरनको कांस्य प्रतिमा अनावरण गरे, जुन पहिलो भारतीय फिल्म प्रतिमा हो।
- दिलवाले दुल्हनिया ले जायेंगेलाई विश्वव्यापी प्रेम, यसको प्रेम–कथा र सांस्कृतिक प्रभावका कारण ३० वर्षपछि पनि दर्शकहरूले प्रशंसा गरिरहेका छन्।
- लेस्टर स्क्वायर फिल्मकै प्रारम्भिक दृश्यसँग जोडिएको महत्वपूर्ण स्थान हो, जहाँ राज र सिमरन पहिलो पटक अनायासै भेटिन्छन्।
- यश राज फिल्म्सका अनुसार, लेस्टर स्क्वायरमा प्रतिमा स्थापित हुनु भारतीय सिनेमाको ठूलो सम्मान हो, र दिलवाले दुल्हनिया ले जायेंगेको लोकप्रियता स्टेज म्युजिकलसम्म विस्तार भइसकेको छ।
समाचार सारांशGenerated using AI.
शाहरुख खान र काजोलले आफ्नो प्रतिष्ठित फिल्म दिलवाले दुल्हनिया ले जायेंगेका पात्र राज र सिमरनलाई समर्पित कांस्य प्रतिमाको लोकार्पण लन्डनको लेस्टर स्क्वायरमा गरे। यससँगै दिलवाले दुल्हनिया ले जायेंगे लेस्टर स्क्वायरको ‘सिन्स इन द स्क्वायर’ ट्रेलमा सम्मान पाउने पहिलो भारतीय फिल्म बन्यो, जहाँ पहिले नै ह्यारी पोटर, मेरी पपिन्स, प्याडिंगटन जस्ता चर्चित फिल्मका पात्रहरूको प्रतिमाहरू छन्।
कांस्य प्रतिमा अनावरण कार्यक्रममा यश राज फिल्म्स का सीइओ अक्षय विधानी र हर्ट अफ लन्डन बिजनेस एलायन्सका प्रमुख रोज मोर्गन पनि उपस्थित थिए। शाहरुख खानले कार्यक्रममा बोल्दै दिलवाले दुल्हनिय ले जायेंगे प्रेम, मानवीयता र जोड्ने कथाका कारण ३० वर्षसम्म टिकिरहन सफल भएको बताए। उनले यो फिल्म आफ्नो पहिचानको महत्वपूर्ण हिस्सा भएको पनि उल्लेख गरे।
काजोलले पनि तीन दशकपछि समेत फिल्मले पाएकाे माया र सम्मानलाई अविश्वसनीय बताइन्। लेस्टर स्क्वायर दिलवाले दुल्हनिया ले जायेंगेका लागि महत्वपूर्ण स्थान हो, किनकि फिल्मको सुरुवाती भागमा नै राज र सिमरन पहिलो पटक यसै स्थानमा अनजानेमा भेटिन्छन्। फिल्म १९९५ मा रिलिज भएको थियो र आजसम्म पनि भारतमा निरन्तर चलिरहेको सबैभन्दा लामो प्रदर्शन भएको हिन्दी फिल्मको रेकर्ड राखेको छ।
यश राज फिल्म्सका सीइओ विधानीका अनुसार, लेस्टर स्क्वायरजस्तो ऐतिहासिक स्थानमा पहिलो भारतीय फिल्मको प्रतिमा स्थापना हुनु भारतीय सिनेमाका लागि ठूलो सम्मान हो। दिलवाले दुल्हनिया ले जायेंगेले वर्षौंदेखि विश्वभरका दर्शकलाई आकर्षित गर्दै आएको छ, र यसको कथा ‘कम फल इन लभ – द डी.डी.एल.जे. म्युज़िकल’ नामको स्टेज रूपान्तरणका रूपमा पनि प्रस्तुत गरिएको छ। यो नयाँ प्रतिमा ‘सिन्स इन द स्क्वायर’ ट्रेलको ११औँ पात्रको रूपमा सामेल गरिएको छ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
सम्बन्धित समाचार
Data is loading...
Loading brands...
Loading footer...
