काठमाडौं । वैदेशिक रोजगारसम्बन्धी कसुर मुद्दामा फरार रहेका दुई जना प्रतिवादीलाई प्रहरीले पक्राउ गरेको छ। पक्राउ पर्नेहरूमा रूकुम मुसिकोटका ४७ वर्षीय रामचन्द्र खड्का र रूकुम पूर्व पुथा उत्तरगङ्गाका ४८ वर्षीय पूर्णबहादुर मल्ल रहेका छन्।खड्कालाई काठमाडौँ उपत्यका अपराध अनुसन्धान कार्यालयको टोलीले ललितपुरको इमाडोलबाट पक्राउ गरेको हो। उनीविरुद्ध वैदेशिक रोजगार न्यायाधिकरणबाट गत
१४ वर्षमा पनि बनेन कमला पुल: दुवै निर्माण कम्पनी कालोसूचीमा, जनता शुल्क तिरेर जोखिमपूर्ण यात्रा गर्न बाध्य
सजिलो पत्रिका
२०८२ साउन २६, सोमबार १३:४९
42
- सिरहा–धनुषालाई जोड्ने ४६९ मिटर लामो पुल २०६८ सालमा सुरु भए पनि अझै निर्माण सम्पन्न नभएको कारण स्थानीयहरू जोखिमपूर्ण रूपमा आवतजावत गर्न बाध्य छन्।
- निर्माण जिम्मा लिएका पप्पु कन्स्ट्रक्सन पहिल्यै कालोसूचीमा परिसकेका छन् भने लुम्बिनी बिल्डर्सलाई पनि काम रोकिएको भन्दै कालोसूचीमा राख्न सिफारिस गरिएको छ।
- अस्थायी बाँस–काठको पुल बगाएपछि आवतजावत ठप्प भएको, शुल्क असुलेको गुनासो रहेको, र ठेक्का तोड्ने प्रक्रिया सुरु भएकाले स्थानीयको बहुप्रतीक्षित सपना अझ टाढिएको छ।
समाचार सारांशGenerated using AI.
काठमाडौँ ।
सिराहा र धनुषा जिल्लालाई जोड्ने कमला नदीमाथि १४ वर्षदेखि निर्माणाधीन पक्की पुल अझै बन्न सकेको छैन, जसका कारण निर्माणको जिम्मा लिएका दुवै कम्पनी कालोसूचीमा पर्ने भएका छन्। वि.सं. २०६८ मा तीन वर्षभित्रै सम्पन्न गर्ने लक्ष्यसहित सुरु भएको ४६९ मिटर लामो पुल नबन्दा स्थानीय बासिन्दा बर्सेनि जोखिमपूर्ण यात्रा गर्न र शुल्क तिर्न बाध्य छन्।
पुल नहुँदा स्थानीयहरूले अस्थायी रूपमा बनाइएको बाँस र काठको पुलबाट जोखिम मोलेर नदी तर्नुपर्ने अवस्था छ। यही साउनको तेस्रो हप्ता आएको बाढीले अस्थायी पुल बगाएपछि आवतजावत ठप्प भएको थियो। हाल काठको संरचना बनाएर यात्रा सहज बनाइएको छ, तर जोखिम कायमै छ। नगरपालिकाले निःशुल्क सञ्चालनको दाबी गरे पनि स्थानीयले भने ५० रुपैयाँसम्म शुल्क तिर्नुपरेको गुनासो गरेका छन्।
पुल निर्माणको जिम्मा सुरुमा पाएको पप्पु–लुम्बिनी जेभीमध्ये पप्पु कन्स्ट्रक्सन यसअघि नै कालोसूचीमा परिसकेको छ। बाँकी कामको जिम्मा लिएको लुम्बिनी बिल्डर्सले पनि पछिल्लो एक महिनादेखि काम रोकेको छ। बाढीले दुईवटा पिलर भासिएपछि मर्मतका लागि आठ करोडको बिमा रकम नपाएको कारण देखाउँदै कम्पनीले काम रोकेको हो।
यता, हुलाकी राजमार्ग निर्देशनालय योजना कार्यालय जनकपुरले निर्माण कम्पनीले तोकिएको समयमा काम नगरेको भन्दै ठेक्का तोड्ने प्रक्रिया अघि बढाएको छ। सूचना अधिकारी इञ्जीनीयर रञ्जितकुमार रायका अनुसार, लुम्बिनी बिल्डर्सलाई पनि कालोसूचीमा राख्न सिफारिस गरिएको छ। यसले १४ वर्षदेखि पुलको प्रतीक्षामा रहेका स्थानीयको सपनामाथि अर्को कुठाराघात गरेको छ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
ट्रेन्डिङ
आगामी इभेन्ट्सहरू
लोड भइरहेको छ...
Data is loading...
Loading brands...
Loading footer...
