सजिलो पत्रिका
२०८२ असार १९, बिहिबार १३:३०
इँटाभट्टामा श्रम गर्दै एसईई परीक्षामा सर्वोत्कृष्ट नतिजा (४ जीपीए) ल्याएकी गोमा श्रेष्ठको शैक्षिक यात्राको सम्पूर्ण जिम्मा भाटभटेनी सुपरमार्केटका अध्यक्ष मिन बहादुर गुरुङ र उनकी श्रीमती सावित्री गुरुङले लिने घोषणा गरेका छन्।
गोमाको संघर्ष र सफलताको कथा सार्वजनिक भएपछि गुरुङ दम्पतीले बिहीबार उनलाई आफ्नो कार्यालयमा बोलाएर सम्मान गरेका छन्। सो अवसरमा उनीहरूले गोमालाई एक लाख रुपैयाँ नगद, एउटा ल्यापटप र सम्मानपत्र प्रदान गरे।
अध्यक्ष गुरुङले गोमालाई काठमाडौंको प्रतिष्ठित सेन्ट जेभियर्स कलेजमा कक्षा ११ र १२ अध्ययन गराउने र त्यसको सम्पूर्ण खर्च बेहोर्ने घोषणा गरेका छन्। साथै, भविष्यमा डाक्टर बन्ने गोमाको सपना साकार पार्न एमबीबीएस तहसम्मको सम्पूर्ण शैक्षिक खर्च पनि आफैंले व्यहोर्ने प्रतिबद्धता उनले जनाएका छन्।
यसअघि, भक्तपुर क्षेत्र नं. २ का सांसद दुर्लभ थापाले पनि गोमालाई पूर्ण छात्रवृत्तिमा कक्षा ११ र १२ पढाउने घोषणा गरेका थिए। सांसद थापाले गोमाले चाहेमा नासा कलेजमा विद्यालयको शुल्क, पोसाक र किताबसमेत निःशुल्क उपलब्ध गराउने बताएका छन्। यद्यपि, उनले गोमासँग भेट्न बाँकी रहेको र भेटेरै यसबारे कुरा गर्ने जानकारी दिएका छन्।
रामेछापको खनियाँपानी स्थायी घर भएकी गोमा चार वर्षको उमेरदेखि नै अभिभावकसँग भक्तपुरको इँटाभट्टामा बसेर चाँगुनारायण-८, सुडालस्थित महेन्द्रग्राम माध्यमिक विद्यालयमा अध्ययन गर्दै आएकी थिइन्। भविष्यमा डाक्टर बन्ने लक्ष्य राखेकी उनी अब कक्षा ११ मा विज्ञान संकायमा भर्ना हुने तयारीमा छिन्।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । प्रधानमन्त्री बालेन्द्र शाह (बालेन)ले स्वदेशी जुत्ताचप्पल उद्योगको प्रवर्द्धन, ब्रान्डिङ र बजार विस्तारका लागि सरकारले निजी क्षेत्रलाई प्रोत्साहन गर्ने बताएका छन्। शुक्रबार प्रधानमन्त्री तथा मन्त्रिपरिषद्को कार्यालयमा फुटवेयर म्यानुफ्याक्चरर्स एसोसिएसन अफ नेपाल (एफएमएएन) का पदाधिकारीहरूसँगको छलफलमा उनले यस्तो प्रतिबद्धता व्यक्त गरेका हुन्।प्रधानमन्त्री शाहले आयात प्रतिस्थापन र रोजगारी सिर्जनाका लागि सरकारले
लोड भइरहेको छ...
Loading brands...
