सजिलो पत्रिका
२०८२ असार ०५, बिहिबार २२:५१
सिराहा ।
सिराहाको गोलबजारमा एक किशोरीले आफ्नै प्रेमी भनिएका युवकमाथि छुरा प्रहार गरेकी छिन्। गोलबजार नगरपालिका , सिराहा–२ की १७ वर्षीया अनिशा मण्डलले गोलबजार–१३ निवासी २४ वर्षीय अशोककुमार महतोमाथि छुरा प्रहार गर्दा महतो घाइते भएका हुन्।
प्रहरीका अनुसार घटना महतो बस्दै आएको भाडाको घरभित्र भएको हो। छुरा प्रहार भएपछि घरभित्रको होहल्ला सुनेर स्थानीयहरू पुगेका थिए। त्यहीबेला अनिशाले घरको भर्याङ हुँदै छतमाथिबाट हाम फालेकी थिइन्, सोही कारण उनी पनि घाइते भइन्।
घाइते महतोको गोलबजारस्थित भूमिजा अस्पतालमा उपचार भइरहेको छ भने किशोरीको लाइफ लङ अस्पतालमा प्रारम्भिक उपचारपछि उनलाई थप अनुसन्धानका लागि जिल्ला प्रहरी कार्यालय, सिरहा पठाइएको छ।
प्रहरीका अनुसार घटनाको कारण भने हालसम्म स्पष्ट भएको छैन। दुवैजनाबीच प्रेम सम्बन्ध रहेको र नियमित भेटघाट हुँदै आएको जनाउँदै, आक्रमणको कारणबारे विस्तृत अनुसन्धानपछि मात्र खुल्ने बताइकाे छ । हाल घटनाबारे थप अनुसन्धान जारी रहेको प्रहरीले जनाएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । जिल्ला ट्राफिक प्रहरी कार्यालय जनकपुरधाम, धनुषाले गत आर्थिक वर्ष २०८२÷८३ मा रु एक करोड १४ लाख नौ हजार ५०१ राजस्व सङ्कलन गरेको छ । प्रमुख प्रहरी निरीक्षक खगेन्द्रकुमार दाहालले आव २०८२÷८३ मा ट्राफिक नियम उल्लङ्घन गर्नेहरुबाट १२ हजार ६०३ सवारीसाधनमाथि कारबाही गर्दा रु एक करोड १४ लाख नौ हजार
Loading brands...
