सजिलो पत्रिका
२०८२ असार ०१, आइतबार ०६:२६
काठमाडौँ,असाढ ०१ ।
इरान र इजरायलबीच दुवै पक्षबाट आक्रमण जारी रहेको छ। यो बढ्दो द्वन्द्वका कारण मानवीय क्षति हुनुका साथै महत्त्वपूर्ण कूटनीतिक प्रयासहरू पनि अवरुद्ध भएका छन्। इजरायली अधिकारीहरूका अनुसार इरानी हमलामा परी २० वर्षको हाराहारीकी एक महिलाको ज्यान गएको छ भने अन्य धेरै जना घाइते भएका छन्। इजरायलले आफ्नो प्रतिरक्षा प्रणाली सक्रिय रहेको र इरानी ड्रोन तथा मिसाइलहरूलाई रोक्न प्रयास गरिरहेको जनाएको छ।
यसैबीच, इरानले पनि इजरायलमाथि आक्रमणको आरोप लगाएको छ। इरानका तेल मन्त्रीले इजरायलले इरानको सहारा तेल डिपोमा आक्रमण गरी क्षति पुर्याएको जानकारी दिएका छन्।
इरानका राष्ट्रपति मसुद पजेस्कियानले इजरायली हमला नरोकिएमा अझ भीषण र विनाशकारी आक्रमण गर्ने चेतावनी दिएका छन्। उनको यो चेतावनीले स्थितिको गम्भीरतालाई थप स्पष्ट पारेको छ।
आक्रमणको जिम्मेवारी लिँदै इरानी रेभोलुसनरी गार्डले शनिबार राति भएको हमलाको बारेमा एक विज्ञप्ति जारी गरेको छ। विज्ञप्तिमा इजरायलको हतियार भण्डारलाई लक्षित गरिएको दाबी गरिएको छ। गार्डका अनुसार आक्रमणमा ३ वटा क्रुज मिसाइल र १० वटा ड्रोन प्रयोग गरिएको थियो। साथै, गार्डले इजरायलका दर्जनौं 'होस्टाइल माइक्रो युएभी' लाई पनि निस्तेज पारेको दाबी गरेको छ। इरानका स्थानीय सञ्चारमाध्यमहरूले आक्रमण मुख्य रूपमा तेल अभिभ र हाइफा शहरमा केन्द्रित रहेको बताएका छन्।
दुई देशबीच बढ्दो तनावको असर अन्तर्राष्ट्रिय कूटनीतिमा पनि देखिएको छ। आइतबार हुने भनिएको अमेरिका र इरानबीचको महत्वपूर्ण आणविक वार्ता अर्को सूचना नभएसम्मका लागि स्थगित गरिएको छ। यस घटनाले मध्यपूर्वमा थप अस्थिरता निम्त्याएको छ र अन्तर्राष्ट्रिय समुदायले दुवै पक्षलाई संयमता अपनाउन आग्रह गरिरहेको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । भारतमा प्रश्नपत्र चुहावट र शिक्षा प्रणालीमा सुधारको माग गर्दै युवा नेतृत्वको ‘कक्रोच’ आन्दोलनले उग्र रूप लिएको छ। सोमबार हजारौँ प्रदर्शनकारीहरू राजधानी नयाँदिल्लीको जन्तरमन्तरमा भेला भई संसद् भवनतर्फ मार्च गर्ने प्रयास गरेका छन्। संसद्को मनसुन अधिवेशन जारी रहेकाले प्रहरीले सुरक्षाको कारण देखाउँदै मार्चको अनुमति नदिएपछि दिल्लीको सुरक्षा व्यवस्था अत्यन्त
Loading brands...
