सजिलो पत्रिका
२०८२ कात्तिक १८, मङ्गलबार १२:४६
शाहरुख खानलाई बलिउडको ‘किङ खान’ भनेर चिनिन्छ, जसले आफ्नो कडा मेहनत, आकर्षण र अभिनय कौशलका कारण विशाल प्रेम, ख्याति र सम्पत्ति कमाएका छन्। तर उनको सफलताका पछाडि रणनीतिक बुद्धिमत्ता पनि लुकेको छ, जसको मुख्य कारण हुन् उनको १२ वर्षभन्दा बढी समयदेखि साथ दिएकी म्यानेजर पूजादद्लानी। पूजाले शाहरुखको करिअर, व्यवसाय र व्यक्तिगत जीवनमा महत्त्वपूर्ण भूमिका खेलेकी छिन्, र उनी परिवारकै हिस्सा बनेकी छिन्।
पूजा दद्लानी मुम्बईकी हुन् र २०१२ देखि शाहरुखसँग काम गर्दै आएकी छन्। उनले शाहरुखका फिल्म परियोजना, ब्रान्ड प्रमोशन, रेड चिल्लीज इन्टरटेन्मेन्ट र कोलकाता नाइट राइडर्स जस्ता ठूला व्यवसायिक जिम्मेवारीहरू सम्हाल्ने गरेकी छिन्। म्यानेजर मात्र नभई, उनी शाहरुखका कानुनी र व्यावसायिक विषयहरूमा प्रमुख सल्लाहकारको रूपमा पनि परिचित छन्।
रिपोर्टहरूका अनुसार पूजादद्लानी भारतकै सबैभन्दा बढी पारिश्रमिक पाउने सेलिब्रिटी म्यानेजरमध्ये एक हुन्। सन् २०२२ देखि २०२४ सम्म उनका वार्षिक आम्दानी ७ करोडदेखि ९ करोड भारतीय रुपैयाँबीच रहेको बताइन्छ, र २०२५ मा उनको तलब ९ करोडभन्दा माथि पुगेको अनुमान गरिएको छ। शाहरुखको सफल र सन्तुलित जीवनलाई सम्भव बनाउन उनको योगदान अतुलनीय मानिन्छ।
व्यक्तिगत जीवनतर्फ हेर्दा, पूजादद्लानीले सन् २००८ मा हितेश गुर्नानीसँग विवाह गरेकी हुन् र सन् २०१६ मा रैना नामकी छोरी जन्माएकी छिन्। रैना प्रायः आमासँगै शाहरुखका कार्यक्रमहरूमा देखिन्छिन् र शाहरुखका छोरा अबरामसँग उनको न्यानो सम्बन्ध छ। पूजाले व्यावसायिक सफलता र पारिवारिक सन्तुलन दुबै कायम राख्न सफल भएकी छन्, जसले उनलाई मनोरञ्जन जगतकी सबैभन्दा प्रभावशाली महिलामध्ये एक बनाएको छ।
यो खबर पढेर तपाईलाई कस्तो महसुस भयो ?
कुल मतदान: 0
काठमाडौं । जोर्डनस्थित अमेरिकी सैन्य अड्डामा भएको घातक आक्रमणको बदला लिन अमेरिकाले इरानको अर्धसैनिक बल ‘रिभोलुसनरी गार्ड’का रणनीतिक सैन्य संरचनाहरूमाथि आइतबार भीषण हवाई आक्रमण गरेको छ। यससँगै होर्मुज जलसन्धिलाई केन्द्रमा राखेर जारी अमेरिका–इरान तनावले थप उग्र रूप लिएको छ।अमेरिकी सेनाको ‘सेन्ट्रल कमान्ड’का अनुसार यो कारबाहीमा पहिलो पटक रिभोलुसनरी गार्डका संरचनालाई
Loading brands...
