काठमाडौँ । अविरल वर्षाका कारण देशका विभिन्न स्थानमा बाढीपहिरोले राजमार्ग प्रभावित भएका छन् । केही सडक खण्ड पूर्ण रूपमा अवरुद्ध भएका छन् भने केहीमा राति सवारी सञ्चालनमा रोक लगाइएको छ ।नेपाल प्रहरीका अनुसार सम्भावित बाढीको जोखिमलाई दृष्टिगत गरी काभ्रेपलान्चोक र सिन्धुली जोड्ने बिपी राजमार्गअन्तर्गत खुर्कोट–नेपालथोक–कटुन्जेबेँसी सडक खण्डमा हरेक दिन बेलुका
देउसी भैलो खेलेर क्यान्सर पीडितलाई सहयोग
सजिलो पत्रिका
२०८२ कात्तिक १२, बुधबार १६:२९
25
बर्दियाको बढैयाताल गाउँपालिका वडा नं ८ का युवाहरूले देउसी भैलो खेल्दै सांस्कृतिक कार्यक्रममार्फत क्यान्सर पीडित महिलालाई आर्थिक सहयोग प्रदान गरेका छन्। सोही कार्यक्रममा समूहले पित्तथैलीको क्यान्सरबाट पीडित ४५ वर्षीया रेखा नेपालीलाई नगद रु. १० हजार सहयोग गरेका हुन्।
देउसी भैलो कार्यक्रममा सङ्कलित रकम पीडित परिवारलाई राहत पुर्याउने उद्देश्यले प्रयोग गरिएको छ। समूहका सदस्यहरूले वडा सदस्य ममता घर्तीको उपस्थितिमा रेखा नेपालीको घरमै गएर सहयोग रकम हस्तान्तरण गरेका थिए।
समूहका संयोजक खड्कबहादुर सुनारका अनुसार यस वर्षको देउसी भैलोबाट उठेको रकम बनभोज र भ्रमणमा खर्च नगरी वास्तविक रूपमा आवश्यक परेको व्यक्तिलाई सहयोग गर्न प्रयोग गरिएको हो। यसले समुदायभित्रको सद्भाव र सामाजिक उत्तरदायित्वको उदाहरण प्रस्तुत गरेको छ।
सहयोग प्राप्त गरेपछि रेखा नेपालीका श्रीमान् लालबहादुर नेपालीले समूह प्रति आभार व्यक्त गर्दै भने कि रकमभन्दा पनि सहयोगीहरूको सहयोगी मनले परिवारलाई ठूलो राहत दिएको छ। यस किसिमको पहलले स्थानीय समुदायमा एकअर्काप्रतिको सहयोग र मानवतावादी भावनालाई प्रवर्द्धन गर्ने काम गरेको छ।
यो समाचारमा
यो खबर पढेर तपाईलाई कस्तो महसुस भयो ?
कुल मतदान: 0
सम्बन्धित समाचार
Data is loading...
Loading brands...
Loading footer...
