सजिलो पत्रिका
२०८२ जेठ २८, बुधबार ०८:१८
काठमाडौँ, जेठ २७ ।
खानेपानीमन्त्री प्रदीप यादवले प्रत्येक नेपालीको घरमा शुद्ध खानेपानी पुर्याउन सरकार प्रतिबद्ध रहेको बताएका छन्। झापाको भद्रपुरमा विगत ३० वर्षदेखि बन्द रहेको पृथ्वीनगर खानेपानी आयोजनाको स्वामित्व नेपाल खानेपानी संस्थानलाई हस्तान्तरण गर्ने कार्यक्रममा बोल्दै उनले यस्तो प्रतिबद्धता व्यक्त गरेका हुन्।
मन्त्री यादवले आम नागरिकलाई शुद्ध र स्वच्छ पानी उपलब्ध गराउन चापाकल विस्थापित गरी डिप बोरिङमार्फत पानी वितरण गर्ने सरकारको योजना रहेको जानकारी दिए। उनले स्वामित्व हस्तान्तरणसँगै भद्रपुरका जनताले छिट्टै शुद्ध खानेपानी पाउने गरी काम अघि बढाउन मातहतका निकायलाई निर्देशन दिएका छन् । ‘देशभर सतप्रतिशत आधारभूत खानेपानी र ३७ प्रतिशत शुद्ध खानेपानीको पहुँच पुगेको छ,’ मन्त्री यादवले भने, ‘आर्थिक अभावका कारण कुनै पनि आयोजना रोकिने छैन।’
कार्यक्रममा पृथ्वीनगर खानेपानी आयोजनाका सचिव पृथ्वीनारायण कार्कीले पानीमा आइरनको मात्रा अत्यधिक देखिएपछि आयोजना सञ्चालनमा आएको दुई वर्षमै बन्द भएको र विगत ३० वर्षदेखि अलपत्र रहेको बताए । अब खानेपानी संस्थानलाई स्वामित्व हस्तान्तरण गरिएसँगै स्थानीयले शुद्ध पानी पाउनेमा उनले विश्वास व्यक्त गरेका छन्।
संस्थानका महाप्रबन्धक अर्जुनबाबु ढकालका अनुसार यस आयोजनाबाट भद्रपुर नगरपालिकाका वडा नंं.१, २ र ३ का करिब ३ हजार ५ सय घरपरिवार लाभान्वित हुनेछन्। उनले ‘एक घर, एक धारा’ को लक्ष्य पूरा गर्न सबैको सहयोग आवश्यक रहेको बताए।
यो खबर पढेर तपाईलाई कस्तो महसुस भयो ?
कुल मतदान: 0
इटहरी । जेठ २४नेपाल सरकार, युवा, श्रम तथा रोजगार मन्त्रालय अन्तर्गतको राष्ट्रिय व्यावसायिक प्रशिक्षण प्रतिष्ठान, व्यावसायिक प्रशिक्षण केन्द्र इटहरीले निःशुल्क सीप परीक्षण (तह–१) का लागि आवेदन दिने नयाँ समयसीमा तोकेको छ। केन्द्रले आज (जेठ २१ गते) दोस्रो पटक सूचना प्रकाशित गर्दै आवेदन दिने अन्तिम मिति जेठ २५ गतेसम्म कायम गरेको
लोड भइरहेको छ...
Loading brands...
