सामग्रीको तालिका

लक्ष्मी गिरीको जन्म वि.सं. २०११ माघ ६ गते काठमाडौंको देवपाटनमा भएको हो। उहाँका पिता मुक्तिनाथ पौडेल र आमा उजेली अधिकारी हुनुहुन्थ्यो। वि.सं. २०३० सालमा उहाँले त्रिभुवन विश्वविद्यालयका प्राध्यापक रत्नकुमार गिरीसँग विवाह गर्नुभयो। विवाहपछि केही समय अभिनयबाट टाढा रहे पनि, उहाँले पुनः अभिनयमा सक्रियता देखाउनुभयो।

लक्ष्मी गिरीले नेपाली, भोजपुरी, मैथिली, तामाङ, र नेपाल भाषाका चलचित्रहरूमा अभिनय गर्नुभएको छ। उहाँले १५० भन्दा बढी चलचित्र, ६०० भन्दा बढी टेलिभिजन कार्यक्रम, र करिब २० विज्ञापनमा काम गर्नुभएको छ। नेपाल टेलिभिजनको स्थापना पछि, वि.सं. २०४२ सालदेखि निरन्तर टेलिभिजनमा अभिनय गर्दै आउनुभएको छ। उहाँको पहिलो टेलिश्रृंखला 'एप्रिल फर्स्ट' हो। मदनकृष्ण श्रेष्ठ र हरिवंश आचार्यको नाटक 'विज्ञापन' मा उहाँले २८९ पटक अभिनय गर्नुभएको छ, जसले गर्दा अमेरिका, बेलायत, हङकङ, र भारतका विभिन्न स्थानमा प्रस्तुति दिनुभएको छ।